గతజలసేతుబంధనం

 

అక్టోబర్ 22, 2021

గతజలసేతుబంధనం (gatha-jala-sethu-bandhanam)

    అర్థము

   (విశేష్యము):  అయిపోయిన దాని గురించి విచారించుట; ప్రయోజనం లేని యత్నం; నీరు పోయాక ఆనకట్ట కట్టుట

   Meaning

   (noun) : dwelling on past events; locking the stable door after the horses have bolted

     

   వాడుక / Usage

  అయోగ్యులకు పట్టంకట్టి ఇప్పుడు చింతించడం గతజలసేతుబంధనమే.

  It is pointless to regret now after handing over the reins to the unworthy.

   మెదడుకు మేత / Food for thought

“రాతిగుండెల మనుషుల మధ్య ఎన్నో దేశాలు తిరిగాను. ఎటు చూసినా రాతిగోడలు లేవడం చూశాను. ఎవరూ కూల్చలేని గొప్ప గొప్ప రాతిగోడలు. మనుషులకూ మనుషులకూ మధ్య రాతి గోడలు. కొట్టుకు చావడంలో కొందరు, డబ్బు సంపాయించడంలో కొందరు మునిగి తేలుతున్నారు. ప్రకృతిని ప్రేమించలేనివాళ్ల మధ్య నాకూ, నా మురళికీ చోటు లేదు. అందుకే ఇక్కడికి వచ్చేశాను. ఇదే నా చోటు. ఇంకెప్పుడూ నేను మళ్ళీ అక్కడికి రాను. కలకాలం ఇక్కడే మురళి పాట పాడుకుంటాను” అంటూ మురళి ఊదే పాపడు మళ్ళీ పిల్లనగ్రోవి అందుకున్నాడు. ఆ మధురమైన సంగీతానికి మళ్ళీ ఆవులు తలూప నారంభించాయి. మళ్ళీ పిట్టలు గంతులేస్తూ ఎగర నారంభించాయి. మబ్బులు అమృతం కురిపిస్తున్నాయి. “పాపడా” అని అరుస్తూ ఆ అమ్మాయి చేతులు చాచి ముందుకు పరుగెత్తింది. ఆ అమ్మాయిని సమాధి చేసిన చోటనే చిత్రంగా ఒక అందమైన చెట్టు మొలిచింది. వానకారు అవసరం లేని చెట్టు. అమృతంతో పెరిగే చెట్టు. భూమండలం మీద మిగిలిన ఒకే ఒక చెట్టు. ఆ చెట్టు నీడలో విశ్రమించడానికి ఎక్కడెక్కడి నుంచో జనం వస్తూంటారు. అలా విశ్రమించిన వారికి రహస్యంగా ఒక పిల్లనగ్రోవి పాట వినిపిస్తుందని చెబుతారు.

  -- మురళి ఊదే పాపడు (కథ), దాదా హయత్