పరోక్షము

 

ఆగష్టు 05, 2022

పరోక్షము (par-ōkshamu)

    అర్థము

   (విశేష్యము):ఇంద్రియాలకు తట్టనిది; ప్రత్యక్షంగా లేనిది; ఎదుట లేనిది; చాటుగా ఉన్నది

   Meaning

   (noun) : imperceptible to senses; invisible; out of sight; not present 

   వాడుక / Usage

 నల్లమల యురేనియం తవ్వకాలతో పరోక్షం గా 83కి.మీ పరిధిలోని గ్రామాలపై ప్రభావం ఉంటుంది.
 Uranium mining in Nallamala will affect villages up to a range of 83 km.

   మెదడుకు మేత / Food for thought

మనసెరిగినవాడు షేక్స్‌పియర్. మానసిక ఆరోగ్యం తెలుసు, అనారోగ్యమూ తెలుసు. మానసిక వ్యాధిగ్రస్తుల ప్రవర్తన ఫ్రాయిడ్‌కు నాలుగు వందల ఏళ్ళముందే షేక్స్‌పియర్ అర్థం చేసుకున్నాడని ఆయనను మెచ్చుకున్నారు. లేడీ మెక్‌బెత్ మాటిమాటికి చేతులు కడుక్కోవడం, నిద్రలో నడవడం, మెక్‌బెత్ గాలిలో కత్తిని చూడడం, బాంకో ప్రేతాత్మను డైనింగ్ టేబుల్ వద్ద కుర్చీలో చూడడం యివన్నీ షేక్స్‌పియర్ అసాధారణ మానసిక శాస్త్రవిజ్ఞానానికి నిదర్శనాలు. ఈ విజ్ఞానానికి ఆయనను ఎంత మెచ్చుకోవలెనో అంతకంటే ఎక్కువగానే మెచ్చుకున్నారు. అయితే యిదంతా, షేక్స్‌పియర్ విజ్ఞానశాస్త్ర పరిజ్ఞాన విషయం. కాని షేక్స్‌పియర్ దార్శనికతలో దీనిని ఒక అంగంగా చూడగలిగితే, అంటే మనసే మనిషికున్న పెద్ద అనారోగ్యం, ఆ అనారోగ్యం యొక్క అనేక దశలే మనమనుకునే ఆరోగ్యవంతమైన మనసు అని దర్శించినవాడు షేక్స్‌పియర్; ఆ మనసును అన్ని దశలలో పట్టుకొని ప్రదర్శించినవాడు షేక్స్‌పియర్; అది అతని నిజమైన మానసిక వాస్తవికత అని తెలుస్తుంది.
-- సూరపరాజు రాధాకృష్ణమూర్తి

Comments

Post a Comment

Popular posts from this blog

పథము

  నవంబర్ 22, 2024 పథము  ( pathamu )     అర్థము      (విశేష్యము ) : మార్గము; త్రోవ; దారి    Meaning     (noun) : a path/road/way    వాడుక / Usage       స్వాగతించెను ప్రేమ పథం సాగినది ఇరువురి బ్రతుకు రథం .      As the path of love welcomes our chariot of life glides on .     మెదడుకు మేత / Food for thought      సా ర పు ధర్మమున్ విమల స త్యముఁ బాపముచేత బొంకుచేఁ      బా ర ముఁ బొందలేక చెడఁ బా ఱినదైన యవస్థదక్షు లె      వ్వా ర   లుపేక్షచేసి రది   వా రలచేటగుఁ గాని ధర్మ ని      స్తా ర కమయ్యు సత్య శుభ దా యక మయ్యును దైవ ముండెడున్ ( ధర్మం అధర్మం చేత ,  సత్యం అసత్యం చేత ఫలితాన్ని పొందలేని దుస్థితి కలిగినప్పుడు సమర్థులు ఉపేక్షించ కూడదు. అలా చేస్తే వారికే చేటు కలుగుతుంది, అంతేగాని ధర్మాన్ని రక్షించే, సత్యాన్ని స్థాపించి, మంచిని చేయుటకు దైవం ఉన్నది. )      -- మహాభారత ఉద్యోగపర్వం , తిక్కన (1205 - 1288)
Read more

మచ్చుతునక

  నవంబర్ 23, 2022 మచ్చుతునక  ( macchutunaka )       అర్థము      (విశేష్యము ): మచ్చు=వన్నె చూడటానికి వాడే రాయి/పలక; తునక=ముక్క; మంచి ఉదాహరణ; కొలమానం     Meaning     (noun) : touchstone    వాడుక / Usage సత్యజిత్ రాయ్ దర్శకత్వం వహించిన  చారులత, చలనచిత్రాలకే మచ్చుతునక . Satyajit Ray's Charulatha is a touchstone for good films.       మెదడుకు మేత / Food for thought ये चमन-ज़ार ये जमुना का किनारा ये महल ये मुनक़्क़श दर ओ दीवार ये मेहराब ये ताक़ इक शहंशाह ने दौलत का सहारा ले कर हम ग़रीबों की मोहब्बत का उड़ाया है मज़ाक़ मेरी महबूब कहीं और मिला कर मुझ से ఈ ఉద్యానవనం ఈ యమునాతటి ఈ మహల్ ఈ నగిషీ చెక్కిన తలుపులు ఆ ప్రహారాలు ఈ తోరణాలు ఈ గూడులు ఒక షహెన్షా ధనోన్మత్తుడై  భాండార వృష్టితో మాబోటి పేదల ప్రేమను చేసాడు పరిహాసం  ఓ నా ప్రియతమా నన్ను వేరే ఇంకెక్కడైనా కలుస్తూ ఉండు -- సాహిర్ లుధియాన్వీ  (మార్చ్ 8, 1921 - 1980)
Read more

తెరువరి

  మే 23, 2025 తెరువరి  ( teruvari )     అర్థము    (విశేషణము)  : దారిన నడచు వాడు; బాటసారి    Meaning    (noun) : a wayfarer; traveller      వాడుక / Usage      ఎండ నుంచి ఉపశమనం.. తెరువరులకు మజ్జిగ పంపిణి .     Respite from the heat.. buttermilk for travellers.    మెదడుకు మేత / Food for thought       ధనము కూడబెట్టి  ధర్మంబు చేయక      తాను తినక లెస్స దాచుగాక      తేనెటీగ గూర్చి తెరువరి కియ్యదా      విశ్వదాభిరామ వినురవేమ.     ( తేనెటీగ ఎంతో కష్టపడి సంపాదించి దాచుకున్న తేనెను ఎవడో దారిన పోయేవాడు తన్నుకు పోయినట్లు, కూడ బెట్టిన ధనాన్ని తినక పోయినా, ధర్మం చేయక పోయినా, ఆ ధనాన్ని ఎవడో ఒకడు దోచుకుంటాడు)     -- వేమన (1367 - 1478)
Read more