పరితోషము

 

ఏప్రిల్ 22, 2022

పరితోషము (pari-tōshamu)

    అర్థము

   (విశేష్యము): మిక్కిలి సంతోషము; తృప్తి; హర్షము; వేడుక 

   Meaning

   (noun) :  pleasure; satisfaction; great joy

   వాడుక / Usage

     'జయ దిశాంత గత శకుంత దివ్య గాన పరితోషణ.'

     Hail! the joyfully divine song of birds in all directions.

   మెదడుకు మేత / Food for thought

  నేలమ్మ నేలమ్మ నేలమ్మ 
    నీకు వేల వేల వందనాలమ్మా
    సాలేటి వానకి తుల్లింతా 
    ఇంకా సాలు సాలుకి నువ్వు బాలింతా
    గాలినే  ఉయ్యాలగా 
    నీళ్లనే  చనుబాలుగా 
    పక్కల్ల బొక్కల్ల రెక్కల్ల నువ్వు
    సక్కంగా మోసేవు మొక్కల్లా
    పరువమోచ్చి సేను వంగే 
    పైరు కాపు మేను  పొంగే   
    పంట బిడ్డను రైతు బండికెత్తినంక 
    పగిలిపోతుందమ్మ  నీ కన్న కడుపింక
    తల్లి నువ్వు నవ్వితె మాగాణి 
    ఎద తలుపు తీశావంటె సింగరేణి 
    తనువునె తవ్వి తీసిన 
    మనసునే తొలి చేసినా  
    పొట్ట తిప్పలకు  బిడ్డలు 
    నీ పొట్టలో పడుతున్న తిప్పలు 
    ఏఏ రోజుకారోజు తీరి 
    నూరేళ్ళ అయ్యుస్సుకోరి 
    కడుపులో తిరిగేటి కొడుకుల కై నువ్వు  
    తిరుగుతున్నవేమో సూర్యుని గుడి చుట్టూ
    తైలాలు పూసింది నైలు నది 
    నీకు తలస్నానమయ్యింది గంగ నది
    గంధమే పూసిందహో 
    పొందుగా ఓ యాంగుహో 
    కొండలల్లో రంగు రంగుపూలు 
    గండు కోయిలలు నైటింగేలూ 
    కొలువైనద వెండి కొండా 
    నీ జాలి గుండెల్లో  జెండా 
    ఎన్ని ఉనన్నా  మనిషి కన్నీళ్లు రక్తాలు 
    కనుల కనలేక కంపించి పోతావు
    మాతల్లి నీ మట్టి బంగారం 
    అది మానవాళికి నుదుట సింధూరం 
    అమ్మా నీ అనురాగం 
    కమ్మనీ  సమ భాగం 
    గొప్పలు తప్పులు చూడక 
    నువ్వు ఎప్పుడు మమ్మెడబాయక 
    జన్మించినారా రాజులై 
    పేరొందినా నిరు పేదలై 
    నీవంటిపై సుతులు  చితులకాల్చుకున్నా  
    నీవంటి తల్లింక దేవుళ్ళకేలేదు
    నేలమ్మ నేలమ్మ నేలమ్మ 
    నీకు వేల వేల వందనాలమ్మా
    

    -- సుద్దాల అశోక్ తేజ