చివుక్కు

 

జూన్ 29, 2022

చివుక్కు (chivukku)

    అర్థము

   (విశేష్యము): హఠాత్తుగా; ఎక్కటం, దాటడం, ఎగరడంలో ధ్వని; మనసు నొచ్చుకోడం

   Meaning

   (adv) : suddenly; briskly climbing/crossing/jumping; hurt mentally

   వాడుక / Usage

    ప్రియుని జాడ తెలియక ఆమె మనసు చివుక్కుమంది.
    Being in the dark about her beloveds whereabouts hurt her.

   మెదడుకు మేత / Food for thought

   ఒక నీటి చుక్క కనుచివర నుంచి చెక్కిలి మీదకు జారి నాతో అన్నది:
    "ప్రియతమా! ఇన్నాళ్లు నేను నీ గుండె లోతుల్లో నిక్షిప్తమై ఉండిపోయాను. ఎన్నో అనుభవాలు నీతో పంచుకుంటూ వచ్చాను. విషాదమైనా, ఆనందం మరీ ఎక్కువ అయినా బైటకి రావడానికి ప్రయత్నించాను. కానీ నిన్ను వదిలి మాత్రం వెళ్ళలేకపోయాను. స్నేహితుడా! ఈ రోజు నీ గుండెల్లో ఉబుకుతూన్న ఈ వేదనా తరంగం నన్ను కుదిపి వేస్తూంది. బైటకు తోసేస్తూంది. నేను కదిలి-కారి-జారి ఆవిరైపోతాను. నేనిలా వెళ్ళిపోవటం నీ మనసుకేమాత్రం ఊరటనిచ్చినా ...మిత్రమా - నా కంతకన్నా కావలసిందేముంది?"
    --వెన్నెల్లో ఆడపిల్ల, యండమూరి వీరేంద్రనాథ్

Comments

Post a Comment

Popular posts from this blog

పథము

  నవంబర్ 22, 2024 పథము  ( pathamu )     అర్థము      (విశేష్యము ) : మార్గము; త్రోవ; దారి    Meaning     (noun) : a path/road/way    వాడుక / Usage       స్వాగతించెను ప్రేమ పథం సాగినది ఇరువురి బ్రతుకు రథం .      As the path of love welcomes our chariot of life glides on .     మెదడుకు మేత / Food for thought      సా ర పు ధర్మమున్ విమల స త్యముఁ బాపముచేత బొంకుచేఁ      బా ర ముఁ బొందలేక చెడఁ బా ఱినదైన యవస్థదక్షు లె      వ్వా ర   లుపేక్షచేసి రది   వా రలచేటగుఁ గాని ధర్మ ని      స్తా ర కమయ్యు సత్య శుభ దా యక మయ్యును దైవ ముండెడున్ ( ధర్మం అధర్మం చేత ,  సత్యం అసత్యం చేత ఫలితాన్ని పొందలేని దుస్థితి కలిగినప్పుడు సమర్థులు ఉపేక్షించ కూడదు. అలా చేస్తే వారికే చేటు కలుగుతుంది, అంతేగాని ధర్మాన్ని రక్షించే, సత్యాన్ని స్థాపించి, మంచిని చేయుటకు దైవం ఉన్నది. )      -- మహాభారత ఉద్యోగపర్వం , తిక్కన (1205 - 1288)
Read more

మచ్చుతునక

  నవంబర్ 23, 2022 మచ్చుతునక  ( macchutunaka )       అర్థము      (విశేష్యము ): మచ్చు=వన్నె చూడటానికి వాడే రాయి/పలక; తునక=ముక్క; మంచి ఉదాహరణ; కొలమానం     Meaning     (noun) : touchstone    వాడుక / Usage సత్యజిత్ రాయ్ దర్శకత్వం వహించిన  చారులత, చలనచిత్రాలకే మచ్చుతునక . Satyajit Ray's Charulatha is a touchstone for good films.       మెదడుకు మేత / Food for thought ये चमन-ज़ार ये जमुना का किनारा ये महल ये मुनक़्क़श दर ओ दीवार ये मेहराब ये ताक़ इक शहंशाह ने दौलत का सहारा ले कर हम ग़रीबों की मोहब्बत का उड़ाया है मज़ाक़ मेरी महबूब कहीं और मिला कर मुझ से ఈ ఉద్యానవనం ఈ యమునాతటి ఈ మహల్ ఈ నగిషీ చెక్కిన తలుపులు ఆ ప్రహారాలు ఈ తోరణాలు ఈ గూడులు ఒక షహెన్షా ధనోన్మత్తుడై  భాండార వృష్టితో మాబోటి పేదల ప్రేమను చేసాడు పరిహాసం  ఓ నా ప్రియతమా నన్ను వేరే ఇంకెక్కడైనా కలుస్తూ ఉండు -- సాహిర్ లుధియాన్వీ  (మార్చ్ 8, 1921 - 1980)
Read more

తెరువరి

  మే 23, 2025 తెరువరి  ( teruvari )     అర్థము    (విశేషణము)  : దారిన నడచు వాడు; బాటసారి    Meaning    (noun) : a wayfarer; traveller      వాడుక / Usage      ఎండ నుంచి ఉపశమనం.. తెరువరులకు మజ్జిగ పంపిణి .     Respite from the heat.. buttermilk for travellers.    మెదడుకు మేత / Food for thought       ధనము కూడబెట్టి  ధర్మంబు చేయక      తాను తినక లెస్స దాచుగాక      తేనెటీగ గూర్చి తెరువరి కియ్యదా      విశ్వదాభిరామ వినురవేమ.     ( తేనెటీగ ఎంతో కష్టపడి సంపాదించి దాచుకున్న తేనెను ఎవడో దారిన పోయేవాడు తన్నుకు పోయినట్లు, కూడ బెట్టిన ధనాన్ని తినక పోయినా, ధర్మం చేయక పోయినా, ఆ ధనాన్ని ఎవడో ఒకడు దోచుకుంటాడు)     -- వేమన (1367 - 1478)
Read more