క్రుమ్మరు

 

జనవరి 24, 2023

క్రుమ్మరు (krummaru)

    అర్థము

   (క్రియ): సంచరించు; తిరుగు; త్రిమ్మరు

   Meaning

   (verb) : roam; wander

   వాడుక / Usage

"గురుయోగి మానసగుహలఁ (కు)గ్రుమ్మరు మేటి గ్రుమ్మరు నద్రీంద్ర గుహలలోనఁ".

He who wandered the cockles of Rishi's hearts; now roams the caves of mighty mountains.

   మెదడుకు మేత / Food for thought

‘కన్యాశుల్కం’ చిత్రంపై ఎన్ని విమర్శలున్నా ఒక్కసారైనా ఈ సినిమాను చూడాలని భావించిన వారు ఈ సినిమా చూశారు. అలా అర్ధశతదినోత్సవం జరుపుకున్న ఈ చిత్రం పర్లేదు బాగానే ఉందని అందరూ అనుకుంటున్న సమయంలో సరిగ్గా ‘కన్యాశుల్కం’ విడుదలైన 56 రోజులకు ఎన్టీఆర్ నటించిన జానసద చిత్రం ‘జయసింహ’ (21-10-1955) విడుదలై అఖండ విజయం సాధించింది. ఆ చిత్రం ఘనవిజయం మాటున ‘కన్యాశుల్కం’ మరుగున పడిపోయింది. అలా మొదటి రిలీజ్లో ఆశించిన స్థాయిలో ఆకట్టుకోలేకపోయింది.
తర్వాత 28 ఏళ్లకు 1983లో ఈ చిత్రం హైదరాబాద్లో విడుదలైంది. సంధ్య 70 ఎమ్ఎమ్ ఉదయం ఆటలతోనూ, వేరే థియేటర్లలో మూడు ఆటలతోనూ ప్రదర్శితమైంది. సంధ్యలో ఏకధాటిగా 130 రోజులకు పైగా ఆడింది. అన్ని రోజులు ఇతర థియేటర్లలో షిప్టుల మీద మూడు ఆటలతో ఆడుతూనే ఉంది. షిప్టుతోనే 175 రోజులు ప్రదర్శితమైంది. అలా 50 సంయుక్తవారాలు జరుపుకొని అందరినీ ఆశ్చర్యంలో ముంచెత్తింది ‘కన్యాశుల్కం’.
ఈ చిత్రం 1986లో విడుదలైనప్పుడు విజయవాడ విజయా టాకీస్లోనూ, గుంటూరు రాధాకృష్ణలోనూ నూన్ షో డైరెక్ట్ గా వంద రోజులు ప్రదర్శితమయింది.
ఆ తర్వాత గురజాడ ‘కన్యాశుల్కం’ శత వసంతాలు పూర్తి చేసుకున్న సందర్భంలోనూ ఈ చిత్రం 1993లో మరోమారు విడుదలైంది. అప్పుడు హైదరాబాద్లో ఇంకోసారి ఈ చిత్రం శతదినోత్సవం జరుపుకోవడం విశేషం.
ఇలా రిపీట్ రన్స్లోనూ మూడుసార్లు శతదినోత్సవం జరుపుకున్న చిత్రం భారతదేశం చలనచిత్ర చరిత్రలోనే మరొకటి కానరాదు.

-- palukuteniyalu.blogspot.com , వింజమూరి వెంకట అప్పారావు