ఉన్మత్తము

 

జనవరి 25, 2024

ఉన్మత్తము   (un-mattamu)

   అర్థము

    (విశేష్యము/విశేషణము): వెర్రెత్తినది; మత్తుగలది; గర్వించినది; ఉమ్మెత్త చెట్టు

  Meaning

    (adj/noun) : mad; insane; intoxicated

   వాడుక / Usage

    ఉన్మత్త మూకలకి చట్టం తలవంచితే అరాచకత్వం ప్రబలిపోతుంది.

    If law becomes helpless in the face of mad crowds lawlessness shall rule.

   మెదడుకు మేత / Food for thought

    రావోయి బంగారిమామా నీతోటి

    రహస్య మొకటున్నదోయీ
    పంటకాలువ ప్రక్క
    జంటగా నిలుచుంటె
    నీడల్లో మన యీడు
    జోడు తెలిశొస్తాది
    ఈ వెన్నెల సొలపు
    ఈ తెమ్మెరల వలపు
    రాత్రి మన సుఖకేళి
    రంగరించాలోయి
    నీళ్లతూరల వెన్క
    నిలుచున్న పాటనే
    జలజలల్‌ విని, గుండె
    ఝల్లుమంటున్నాది
    ఈనాటి మన వూసు
    లేనాటికీ, మనకు,
    ఎంత దూరానున్న,
    వంతెనల్‌ కట్టాలి
    అవిసె పువ్వులు రెండు
    అందకున్నయి నాకు;
    తుంచి నా సిగలోన
    తురిమి పోదువుగాని
    ఏటి పడవసరంగు
    పాట గిరికీలలో
    చెలికాడ మనసొదల్‌
    కలబోసుకుందాము
    జొన్నచేలో, గుబురు
    జొంపాలలోగూడ,
    సిగ్గేటో మనసులో
    చెదరగొడుతున్నాది

    -- కొనకళ్ల వెంకటరత్నం (1909 - 1971)