అమ్మకచెల్ల

 

జనవరి 08, 2024

అమ్మకచెల్ల   (ammakachella)

   అర్థము

    (అవ్యయము): ఆశ్చర్యము లేక సంతాపం తెలుపునది; ఔర; ఓహ్

  Meaning

    (participle/interjection) : alas!; oh!; ah! 

   వాడుక / Usage

     అమ్మక చెల్ల నా హృదయమమ్మక చెల్లదు వీని కియ్యెడన్‌

     Alas! my heart is of no avail if not exchanged with him.

   మెదడుకు మేత / Food for thought

    ఓ మగ మద మృగాల్లారా
    మీరు మీ ఇళ్ళల్లో చావండి
    మీ భార్యల ఒళ్ళల్లో చావండి
    మీ తల్లుల గుండెలపై చావండి
    మీరు చావడానికి దేశంలో
    పరమ పవిత్ర స్థలాలెన్నో ఉన్నాయి.
    మీ గృహ స్వర్గసీమలూ
    మీ పవిత్ర బంధాల పొదరిళ్ళూ ఉన్నాయి.
    నదులూ, సముద్రాలూ
    పర్వతాలూ, ఎడారులూ
    ఎత్తైన మేడలూ
    లోతైన బావులూ
    పంట చేలూ, కాలువ గట్లూ
    హోటలు గదులూ
    ఎక్కడైనా చావొచ్చు-
    మాకు మిమ్మల్ని బతికించటమే తెలుసు
    ప్రపంచం మీద కసి మిమ్మల్ని దహించిన వేళ
    మిమ్మల్ని మీరు అసహ్యించుకున్న వేళ
    లోకం మిమ్మల్ని నిర్దాక్షిణ్యంగా
    నేల రాసిన వేళ
    ఆప్యాయంగా ఆలింగనం చేసుకుని
    మీ కసినీ, రోతనూ, ద్వేషాన్నీ
    మా ముఖాలకు పులుముకున్నాం.
    మీ ఏడుపు గొట్టు ముఖాల్లో
    మా నవ్వుల కాంతులు పూయించాం.
    మమ్మల్ని కొట్టి, గిచ్చి, రక్కి, ముద్దాడి
    మీ అశాంతుల్ని అలవగొట్టుకుని
    మీ వికృత వాంఛాగ్నుల్ని
    మా ఒడిలో చల్లార్చుకుని
    ఎన్ని సార్లు తృప్తిగా తేన్చారు –
    మాకు మిమ్మల్ని సుఖపెట్టడమే తెలుసు.
    చావటానికి మా దగ్గరకు రాకండి.
    బతకటానికి నానా చావూ చస్తున్న వాళ్ళం!

    – ఓల్గా