దుర్భరము

 

జూన్ 25, 2025

దుర్భరము (dur-bha-ramu)

   అర్థము

  (విశేషణము) : భరింపలేనిది

  

  Meaning

  (adj) : unbearable 

    వాడుక / Usage

    ఏదీ బకాయి వేతనం.. ఎన్నాళ్లీ దుర్భర జీవనం?

    Where are the pending wages..how much longer this unbearable life?

  మెదడుకు మేత / Food for thought

    హలికుం డెంతయు నోజతో దునఁగ సీరాగ్రమునం జోఁకి ప్రా

    ణు లనేకంబులు సచ్చు, హింస యది యౌనో కాదొ ! వేయేల? మ
    ర్త్యులు నేలం జరియించుచోఁ బదములం ద్రొక్కంబడు బెక్కు జం
    తులు హింసావిధి గాదనంగ వశమే? దోషజ్ఞ! యూహింపుమా!

(ఓ పండితోత్తమా! నాగలితో రైతు భూమిని దున్నేటప్పుడు, ఆ నాగలికర్రును తాకి ఎన్ని జీవాలు చచ్చిపోవటం లేదు? అది హింస కాదని వాదించటానికి వీలున్నదా? తర్జన భర్జనలు అనవసరం. మనుజులు నేలపై నడచేటప్పుడు కూడ వేలకొలది ప్రాణులు చనిపోతున్నాయి. అది హింస కాదని వాదించటానికి వీలు లేదు కదా! ఈ విషయాన్ని దయచేసి నీవే ఆలోచించి తేల్చుకొనుము.)

        -- ధర్మవ్యాధుడు కౌశికునకు చేసే బోధ, మహాభారత అరణ్యపర్వం, ఎఱ్రాప్రగడ (1284 - 1364)