గమనము
నవంబర్ 17, 2025
గమనము (gamanamu)
అర్థము
(విశేష్యము) : ప్రయాణము; తలపు; గురి; జ్ఞాపకం
Meaning
(noun) : movement; motion; attention; memory
వాడుక / Usage
హృదయాన విరహ భారం దేహాన అలస గమనం!
Heart heavy with longing, body weary in motion!
మెదడుకు మేత / Food for thought
ఘడియలు చెప్పే గడియారంలో గంటలు గణించినపుడు,
గండ్రగొడ్డలి వంటి పగలు కళ్లు కప్పి మాయమయ్యె కరాళ రాత్రియై;
సువాసనలు విరిసే మల్లెతీగలు వడిలి హొయలు బాసినపుడు,
కాలనాగు వంటి నల్లటి కురులు మెరవగా ముగ్గువలె ధవళమై;
మహోన్నత వృక్షాలు ఆకులు రాలి మోడుగా అగుపడిన కారులో
అవేకాదా నిరుడు మండుటెండలో మందలకి గొడుగుగా నీడనిచ్చాయి,
వసంతాల సరివన్నెల పచ్చిక ముడుచుకుని మూటైనపుడు పైరులో
గడ్డ మంచు కౌగిలిలో కటుకపై తెల్లని ముసుగై మరీ నిల్చాయి,
అప్పుడు స్ఫురించింది ఈ ప్రశ్న అహో నీ అందం
కాలం చేసే లయవిన్యాసంలో అంతం అవ్వక తప్పదు కదా,
ప్రేయసీ ప్రియులు తమను తాము త్యాగం చేసే అనుబంధం
వలపుల పంట అంతకు అంత అవ్వగా తాము సమసిపోతారు గదా;
కాలపు కొడవలి కోత నుంచి లేదు జగాన కాపాడే యే కవచం,
కొత్త తరం తక్క, నూకలు తీరిననాడు ఎగిరిపోవడం తథ్యం ఈ వచం
గండ్రగొడ్డలి వంటి పగలు కళ్లు కప్పి మాయమయ్యె కరాళ రాత్రియై;
సువాసనలు విరిసే మల్లెతీగలు వడిలి హొయలు బాసినపుడు,
కాలనాగు వంటి నల్లటి కురులు మెరవగా ముగ్గువలె ధవళమై;
మహోన్నత వృక్షాలు ఆకులు రాలి మోడుగా అగుపడిన కారులో
అవేకాదా నిరుడు మండుటెండలో మందలకి గొడుగుగా నీడనిచ్చాయి,
వసంతాల సరివన్నెల పచ్చిక ముడుచుకుని మూటైనపుడు పైరులో
గడ్డ మంచు కౌగిలిలో కటుకపై తెల్లని ముసుగై మరీ నిల్చాయి,
అప్పుడు స్ఫురించింది ఈ ప్రశ్న అహో నీ అందం
కాలం చేసే లయవిన్యాసంలో అంతం అవ్వక తప్పదు కదా,
ప్రేయసీ ప్రియులు తమను తాము త్యాగం చేసే అనుబంధం
వలపుల పంట అంతకు అంత అవ్వగా తాము సమసిపోతారు గదా;
కాలపు కొడవలి కోత నుంచి లేదు జగాన కాపాడే యే కవచం,
కొత్త తరం తక్క, నూకలు తీరిననాడు ఎగిరిపోవడం తథ్యం ఈ వచం
-- షేక్స్పియర్ Sonnet 12: When I do count the clock that tells the time కి స్వేచ్ఛనువాదం
Comments
Post a Comment