దుర్వినియోగం

 

మే 19, 2025

దుర్వినియోగం (durviniyogam)

   అర్థము

    (విశేష్యము) : అక్రమమైన పద్ధతిలో (పదవి/ధనము) వాడడం

  Meaning

   (noun) : abuse/misuse (of power/funds)

    వాడుక / Usage

    శబరిమల అయ్యప్ప ఆలయంలో బంగారం దుర్వినియోగం - కేరళ సీఎం వివరణ.

    Sabarimala gold misappropriation - Kerala CM clarifies. 

  మెదడుకు మేత / Food for thought

ఎవ్వరూ... ఎవ్వరూ...

ఎవ్వరూ... ఎవ్వరూ... ఈ నేరాలడిగేవారెవ్వరూ...

ఈ పాపం కడిగే దిక్కెవ్వరూ...

ఎవ్వరూ... వారెవ్వరూ...

అందెలు సందడి చేసిన జాతరలో

ఆకలేసి ఏడ్చిన పసికందులు

అందం అంగడికెక్కిన సందులలో

అంగలార్చి ఆడిన రాబందులు

ఎందుకో... ఈ చిందులు...

ఎవరికో... ఈ విందులు...

ఏమిటో... ఏమిటో... ఏ ధర్మం ఇది న్యాయం అంటుందో

ఏ కర్మం ఈ గాయం చేసిందో

ఏమిటో... ఆ ధర్మం ఏమిటో...

శీలాలకి సిలువలు...

కామానికి కొలువులు...

కన్నీటి కలువలు... ఈ చెలువలు...

కదులుతున్న ఈ శవాలు... రగులుతున్న స్మశానాలు...

మతెక్కన... మతితప్పిన... నరజాతికి వందనాలు...

ఎప్పుడో... ఎప్పుడో... ఈ జాతికి మోక్షం ఇంకెప్పుడో...

ఈ గాధలు ముగిసేది ఇంకెన్నడో...

ఎన్నడో... మోక్షం ఇంకెప్పుడో...

అత్తరు చల్లిన నెత్తురు జలతారులలో

నేలపడిన మల్లెలు ఈ నవ్వులు

కుక్కలు చింపిన విస్తరి తీరులలో

ముక్కలైన బ్రతుకులు ఈ పూవులు

ఎందరికో... ఈ కౌగిళ్ళు...

ఎన్నాళ్ళో... ఈ కన్నీళ్ళు...

ఎక్కడో... ఎక్కడో... ఏ వేదం ఇది ఘోరం అన్నదో...

ఏ వాదం ఇది నేరం అన్నదో...

ఎక్కడో... ఆ వేదం ఎక్కడో...

ఎప్పుడో... ఎప్పుడో...

ఈ మల్లెల దుకాణాలు...

ఈ గానా భజానాలు...

వెదజల్లిన కాగితాలు... వెలకట్టిన జీవితాలు...

వల్లకాటి వసంతాలు... చస్తున్నా స్వాగతాలు...

ఎక్కి పడిన దాహాలకు తూట్లుపడిన దేహాలు...

ఎక్కడో... ఎక్కడో... ఈ రాధల బృందావనమెక్కడో...

ఈ బాధకు వేణుగానమెన్నడో...

ఎన్నడో...

ఎక్కడో... ఎప్పుడో...

-- మల్లెపూవు (1978), వేటూరి