ఎకసెక్కెము

 

మే 20, 2025

ఎకసెక్కెము (ekasekkemu)

   అర్థము

    (విశేష్యము) : పరిహాసము

  Meaning

   (noun) : jest; joking; satire

    వాడుక / Usage

    హోంమంత్రి ఎకసెక్కాలు ఎక్కువ రోజులుండవు.. పదవి ఎప్పుడు పీకేస్తారో తెలియదు.
    Home ministers antics will not last long..might lose job any moment. 

  మెదడుకు మేత / Food for thought

మాయమైపోతున్నాడమ్మా మనిషన్నవాడు
మచ్చుకైనా లేడు చూడు మానవత్వం వున్నవాడు
నూటికో కోటికో ఒక్కడే ఒక్కడు
నూటికో కోటికో ఒక్కడే ఒక్కడు
యాడ వున్నాడో కాయాన్ని కంటికి కానరాడు

మాయమైపోతున్నాడమ్మా మనిషన్నవాడు
మచ్చుకైనా లేడు చూడు మానవత్వం వున్నవాడు

నిలువెత్తు స్వార్ధము నీడలగొస్తుంటే
చెడిపోక ఏమైతదమ్మ చెడిపోక ఏమైతదమ్మ
ఆత్మీయ బంధాల ప్రేమ సంబంధాల
దిగ జారుతున్నాడోయమ్మా దిగ జారుతున్నాడోయమ్మా
అవినీతి పెను ఆశ అంధకారంలోనే
అవినీతి పెను ఆశ అంధకారంలోనే
చిక్కిపోయి రోజు శిధిలమౌతున్నాడు

మాయమైపోతున్నాడమ్మా మనిషన్నవాడు
మచ్చుకైనా లేడు చూడు మానవత్వం వున్నవాడు

ఇనుప రెక్కల డేగ విసిరినా పంజాకు
కోడి పిల్లై చిక్కి కొట్టుకుంటున్నారు
కోడి పిల్లై చిక్కి కొట్టుకుంటున్నారు
ఉట్టికి స్వర్గానికి అందకుండా తుదకు
అస్థిపంజరామయ్యి అగుపించనున్నాడు
అస్థిపంజరామయ్యి అగుపించనున్నాడు
కదిలే విశ్వము తన కనుసన్నల్లో నడుమ
కదిలే విశ్వము తన కనుసన్నల్లో నడుమ
కనుబొమ్మలుఎగరేసి కాలగమనము లోన

మాయమైపోతున్నాడమ్మా మనిషన్నవాడు
మచ్చుకైనా లేడు చూడు మానవత్వం వున్నవాడు

కుక్క నక్కలా దైవ రూపాలుగా కొలిచి
పంది నందిని జూస్తే పడి మొక్కుతుంటాడు
పంది నందిని జూస్తే పడి మొక్కుతుంటాడు
చీమలకు చక్కర పాములకు పాలోసి
జీవకారుణ్యమే జీవితం అంటాడు
జీవకారుణ్యమే జీవితం అంటాడు
తొడ పుట్టిన వాళ్ళ ఉరవతలకినెట్టి
తొడ పుట్టిన వాళ్ళ ఉరవతలకినెట్టి
కులమంటూ ఇలా మీద కలహాల గిరి గీసి

మాయమైపోతున్నాడమ్మా మనిషన్నవాడు
మచ్చుకైనా లేడు చూడు మానవత్వం వున్నవాడు

ఇరువైదు పైసలగరొత్తులు కాల్చి
అరవైదు కోట్ల వారములడుగుతాడు
అరవైదు కోట్ల వారములడుగుతాడు
దైవాల పేరుతో ఛంద్దలకై గండ
భక్తి ముసుగు తొడిగి భలే పోజు పెడతాడు
యుక్తి పేరా నరుడు రక్తిలో రాజై
యుక్తి పేరా నరుడు రక్తిలో రాజై
రాకాసి రూపాన రంజిల్లు తున్నాడు

మాయమైపోతున్నాడమ్మా మనిషన్నవాడు
మచ్చుకైనా లేడు చూడు మానవత్వం వున్నవాడు

అవసరాలకు మనిషి సృష్టించి రూపాయి
చుట్టూ తిరుగుతున్నాడమ్మా
అవసరాలకు మనిషి సృష్టించి రూపాయి
చుట్టూ తిరుగుతున్నాడమ్మా
రూపాయి కొరకు ఏ పాపానికైతేమి
వొడిగట్టే నదిగో చూడమ్మా
కోటి విద్యలు కూటి కోసమన్నది పోయి
కోటి విద్యలు కూటి కోసమన్నది పోయి
కోట్లకు పరిగెత్తి కోరికలు చెలరేగి

మాయమైపోతున్నాడమ్మా మనిషన్నవాడు
మచ్చుకైనా లేడు చూడు మానవత్వం వున్నవాడు
మానవత్వం వున్నా వాడు
మానవత్వం వున్నవాడు

-- ఎర్ర సముద్రం (2008), అందె శ్రీ 

Comments

Post a Comment

Popular posts from this blog

అవాకుచెవాకు

  ఫిబ్రవరి 27, 2025 అవాకుచెవాకు  ( avaaku-chevaaku )     అర్థము    ( విశేష్యము ) : పలకరాని సరైనవికాని మాటలు; లేనిపోని మాటలు; తప్పుడు మాటలు    Meaning    (noun) : incorrect and inappropriate words; unnecessary or wrong words    వాడుక / Usage         కోయకుమీ సొరకాయలు వ్రాయకుమీ నవలలని అవాకుచెవాకుల్ డాయకుమీ అరవ ఫిలిం చేయకుమీ చేబదుళ్ళు సిరిసిరిమువ్వా! ~ శ్రీశ్రీ      Bragging do not, novels inappropriate write not, approach not films melodramatic, take not petty loans, Siri Siri Muvva! ~ Sri Sri    మెదడుకు మేత / Food for thought       150 సంవత్సరాల పూర్వం కృష్ణా జిల్లా వెల్నూతల అగ్రహారంలో ఉండేవారు. అప్పట్లో అక్కడ కృష్ణా కాలువలు లేవు. విజయవాడ వద్ద ఆనకట్ట లేదు.  వెల్నూతల, తరిగొప్పల రైల్వే స్టేషన్కు రెండున్నర కిలోమీటర్ల దూరంలో ఉంటుంది. ఒకప్పుడది చవిటి పొలాలు కల గ్రామం. విజయవాడ వద్ద ఆనకట్ట కట్టిన తదుపరి కృష్ణా జిల్లా అదృష్టంతో పాటు ఈ గ్రామం తలరాత మారిపోయింది. కా...
Read more

నీరజాతనయన

  ఏప్రిల్ 27, 2023 నీరజాతనయన      ( neerajaata-nayana )       అర్థము      (విశేష్యము ): నీరజాత=నీటిలో పుట్టినది, పద్మము; నయన=కళ్ళు; పద్మమువంటి కనులు కలవాడు     Meaning     (noun) : lotus eyed    వాడుక / Usage " నీరజాతనయన ! నీకు దాస్యంబుజేయని జన్మ మేల? యెన్ని జన్మములకు ? " O Lotus eyed one! What use is this birth(s) that doesn't worship you?     మెదడుకు మేత / Food for thought చాలామంది రచయితలు తమ భావాలని ప్రకటించడానికి భాషను తమదైన శైలిలో ఉపయోగించారు. దేవులపల్లి శబ్ద సౌందర్యాని కన్నా భావలాలిత్యానికి ఎక్కువ ప్రాముఖ్యం ఇచ్చారు. సినారె భావ ప్రకటనలో గాంభీర్యత తొణికిసలాడుతుంది. శ్రీశ్రీ పదాలలో ఆవేశం  పెల్లుబుకుతుంది. ఆత్రేయ తక్కువ పదాలతో ఉన్నత భావాలు పలికిస్తారు.  సముద్రాల (సీ), పింగళి నాగేంద్ర రావు తరువాత కవు లెవరూ, వేటూరి వచ్చేదాకా, భాషా సౌందర్యాన్ని ఇనుమడింప చేస్తూ, భాషతో సందర్భానికి ఔన్నత్యం కలిగించే ప్రయత్నం చేయలేదు.  ముఖ్యంగా భాషను మలచి (అవసరమైతే పదాలను మార్చి లేక సృష్టించి) ...
Read more

వాలకం

  ఫిబ్రవరి 24, 2025 వాలకం  ( valakam )     అర్థము    ( విశేష్యము ) : తిరునాళ్లలో వేసే వేషం; ఆకారం; విధానం; పద్ధతి;  మోసం    Meaning    (noun) : a disguise; mask; deceit; ways; behaviour    వాడుక / Usage         ఈ నాటికి పల్లెటూళ్ళలో వాడి వాలకం తగల బడ్డట్టుంది అంటుంటారు.  అయితే ఈ వాలకం అనేది ఒక తెలుగు జానపద కళ.      We hear people say his behaviour (valakam) is contemptible. But Valakam is one of the Telugu folk stage arts.    మెదడుకు మేత / Food for thought       అనంతపురం జిల్లా కదిరి పట్టణము పొలిమేరలలో క్రీస్తుశకం 1429 ప్రాంతమున కట్టబడి నేటికీ చెక్కు చెదరకుండా నిలిచి ఉన్న "చంద్రవదన - మోహియార్" గోరీ వెనుక హిందూ యువతికి మహమ్మదీయ యువకుడికి మధ్య జరిగిన విచిత్ర ఘట్టముంది..... ఆ ప్రేయసీ ప్రియుల రక్తం రాజుకు పరివారానికి వసంతం జల్లింది. సాయం సంధ్యా సమయం. కోప కషాయదీధితులతో ఎరుపెక్కిన వృద్ధ భానుడు ఆ రక్త ప్రవాహంలో మరింత యెర్రగా కనిపించాడు. రాజులు గతించా...
Read more