రోజుకో తెలుగు పదం

  ఫిబ్రవరి 28, 2022 ఉర్వారుకము  ( urvarukamu )       అర్థము      (విశేష్యము ): దోసకాయ; ఇర్వారువు; కర్బూజ; పుచ్చ     Meaning     (noun) : species of cucumber    వాడుక / Usage        ఓం త్ర్యంబకం యజామహే సుగంధిం పుష్టి వర్ధనం ఉర్వారుక మివ బంధనాత్ మృత్యోర్ముక్షీయ మామృతాత్      ( తొడిమ నుండి దోసపండును ఎలా వేరుచేస్తున్నావో అలాగే మృత్యువు నుంచి నన్ను వేరుచేయుము. అమృత సమానమైన మోక్షము నుండి నేను విడివడకుండ ఉండును గాక)     Just as a ripe cucumber falls off its stalk separate me from (cycle of life and) death.     మెదడుకు మేత / Food for thought పూర్వకాలాన్ని శాసించినవాళ్ళే భవిష్యత్తుని నిర్దేసిస్తారు. వర్తమానాన్ని శాసించేవాళ్ళు పూర్వకాలాన్ని  నియంత్రిస్తారు. భూతకాలం ఎక్కడైనా నిక్కచ్చిగా ఉందా? ఎక్కడైనా గతించిన కాలం ఇంకా జరుగుతోందా? లేదు. అయితే భూతకాలం అసలు ఉందా? ఉంది, చరిత్ర పుటల్లో ఉంది. మన ఊహల్లో, మన గుర్తులలో, మన మెదడులో ఉంది. కానీ మన పార్టీ చరిత్ర పుటల్ని,...

  ఫిబ్రవరి 25, 2022 ఉభయభ్రష్టము  ( ubhayabhrashtamu )       అర్థము      (విశేషణము ): ఉభయ=రెండు, ఇద్దరు; భ్రష్టము=(దిగ)జారిన; రెండు విధాల నష్టపోవడం; రెంటికి చెడ్డ రేవడు     Meaning     (adj) : losing on both things/sides/places;     వాడుక / Usage       ఇటు స్వభాషను సరిగ్గా వాడలేక అటు ఆంగ్లములో అంతంత మాత్రం మాట్లాడి ఉభయభ్రష్టులం అయ్యాం.      Not able to speak in our native language as well as struggling with English we have lost both.     మెదడుకు మేత / Food for thought మకరంద బిందు బృంద రస్యందన సుందరమగు మాతృభాషయే. . . మహానంద కందళ సందోహ సంధానతుందిలమగు మాతృభాషయే. . . నమ్రతకు నమ్రత, కఠినతకి కఠినత. . . వదులునకు వదులు, బిగికి బిగి, జోరునకు జోరు... ఎదురెక్కువకెదురెక్కువ, మందతకు మందత, ధాటికి ధాటి ... అన్ని వన్నెలు, అన్ని చిన్నెలు, అన్ని వగలు, అన్ని వద్దికలు... అన్ని తళుకులు, అన్ని బెళుకులు,  అన్ని హొయలు, అన్ని యొయ్యారములు. . . కలిగిన మన మాతృ భాషయే!  వ్యాసమునకు, ఉ...

  ఫిబ్రవరి 24, 2022 ఒజ్జ  ( ojja )       అర్థము      (విశేష్యము -  ఉర్దూ ఓజా నుండి): పురోహితుడు; గురువు; ఉపాధ్యాయులు; ఆదర్శప్రాయులు      Meaning     (noun) : teacher; priest; role model    వాడుక / Usage        విద్యలకెల్ల ఒజ్జ బొజ్జ గణపతి.       Ganapathi is the high priest and the ultimate preceptor of education.     మెదడుకు మేత / Food for thought ఏ యుద్ధం ఎందుకు జరిగెనో ?  ఏ రాజ్యం ఎన్నాళ్ళుందో ?    తారీఖులు , దస్తావేజులు  ఇవి కావోయి చరిత్రకర్థం నరజాతి చరిత్ర సమస్తం  పరస్పరాహరణోద్యోగం నరజాతి చరిత్ర సమస్తం  రణరక్త ప్రవాహసిక్తం. బలవంతులు దుర్భల జాతిని  బానిసలను కావించారు నరహంతలు ధరాధిపతులై  చరిత్రమున ప్రసిద్ధి కెక్కిరి . రణరంగం కానీ చోటు భూ  స్తలమంతా వెదకిన దొరకదు : గతమంతా తడిసె రక్తమున ,  కాకుంటే కన్నీళ్లతో . చెంగిజ్ ఖాన్ , తామర్లేనూ ,  నాదిర్షా , ఘజ్నీ , ఘోరీ , సికిందరో ఎవడైతేనేం ?  ఒక్కక్కుడ...

  ఫిబ్రవరి 23, 2022 కంఠోక్తి  ( kantokthi )       అర్థము      (విశేష్యము ):  కంఠ+ఉక్తి (మాట); గట్టిగా/స్పష్టముగా చెప్పుట;      Meaning     (noun) : announce/speak in a loud and clear voice    వాడుక / Usage  ఇది తప్పు అని కంఠోక్తి చేసేవారు అందరూ దేశ ద్రోహులేనా?  Are all those who raise their voice anti national?     మెదడుకు మేత / Food for thought మరు మల్లెల్లో ఈ జగమంతా విరియగా ప్రతి ఉదయంలో శాంతి కోసమే తపనగా పారాణేదో భూమికీ వెలుగుగా మందారాలే మత్తునూ వదలగా కనులా తడి తుడిచే ఒడిలో పసి పాపాయీ చిలికే చిరు నగవే.. చీకటి తల్లికి వేకువా             -- అమృత, వెన్నెలకంటి (నవంబర్ 30, 1957 - 2021)

  ఫిబ్రవరి 22, 2022 నిరాఘాటము  ( nir-āghāṭamu )       అర్థము      (విశేషణము ):  అ ఘాటము (అగడ్త/కందకం)చే అవరోధించబడనిది; మేర/హద్దు/అడ్డు లేనిది     Meaning     (adj) : unobstructed; boundless; without hesitation    వాడుక / Usage  సామజిక మాధ్యమాల ద్వారా మతోన్మాదం నిరాఘాటంగా వ్యాపిస్తోంది.  Religious fanaticism is spreading unobstructed via Social Media.     మెదడుకు మేత / Food for thought వానల్లు కురవాలి వాన దేవుడా వరిచేలు పండాలి వాన దేవుడా నల్లనీ మేఘాలు వాన దేవుడా చల్లగా కురవాలి వాన దేవుడా మా ఊరి చెరువంత వాన దేవుడా ముంచెత్తి పోవాలి వాన దేవుడా కప్పలకు పెండ్లిళ్ళు వాన దేవుడా గొప్పగా చేస్తాము వాన దేవుడా పచ్చగా చేలంత వాన దేవుడా పంటల్లు పండాలి వాన దేవుడా   వానల్లు కురవాలి వాన దేవుడా   వరిచేలు పండాలి వాన దేవుడా           -- పిల్లల పాటలు

  ఫిబ్రవరి 21, 2022 అధిక్షేపము  ( adhikshepamu )       అర్థము      (విశేష్యము ):  నిందించుట; త్రోసిపుచ్చుట; బెదిరించుట; ఆక్షేపించుట     Meaning     (noun) : condemnation; insult; censure; oppose    వాడుక / Usage  ప్రభుత్వ విధానాలను  కూలంకుషంగా విశ్లేషించి అధిక్షేపించే పత్రికలు కరువయ్యాయి.  Magazines which analyse and criticize the government policies are scant.     మెదడుకు మేత / Food for thought   గంగా నది మొదట ఒక దేవత. తర్వాత ఒక పడవల రస్తా. ఆ తర్వాత మన పొలాల్లోకి ప్రవహించే పంట కాలువ.    నదులు కవులు భూగోళపు రక్తనాళాలు. నదులు ప్రవహిస్తాయి కవితల్లా పక్షులకోసం, పశువులకోసం, మనుషులకోసం. నదులు కంటున్న కలలు పొలాల్లో ఫలిస్తాయి.  కవులు కంటున్న కలలు మనుషుల్లో ఫలిస్తాయి. -- గుంటూరు శేషేంద్ర శర్మ (అక్టోబర్ 20, 1927 - 2007)

  ఫిబ్రవరి 18, 2022 మృత్తిక  ( mṛittika )       అర్థము      (విశేష్యము ):  మన్ను; ఎఱ్ఱ నేల;  తొగరిమన్ను;  జేగురుమట్టి     Meaning     (noun) : red soil; clay; earth    వాడుక / Usage  " నెల్లూరు జిల్లా తన మృత్తిక నుంచి మొలకొలుకులు బియ్యాన్ని ఇచ్చినట్టే చాలామంది కళాకారులను, రచయితలను, కవులను ఇచ్చింది" Just as it produces premium rice from its soil Nellore district produced many artists, writers and poets.     మెదడుకు మేత / Food for thought      అనుక్షణం మరణభయం      జీవన సంభరణ భయం      అంధకారం అయోమయం      ఆర్తనాద సంకులం      మనిషికి మనిషన్న భయం      మనసంటే మనకు భయం      సత్యమన్నచో సచ్చే భయం     చచ్చు దాకా చావు భయం     -- 'భయం' నాటకం, ఆచార్య ఆత్రేయ (మే 7, 1921 - 1989)

  ఫిబ్రవరి 17, 2022 అక్షము  ( akshamu )       అర్థము      (విశేష్యము ):  ఇంద్రియము; వ్యవహారం; పాచిక; ఇరుసు; బండికన్ను;  గణించుటకు వీలైన ఒక స్థిరరేఖ;  ఉత్తర దక్షిణ ధ్రువములను కలుపు 'ఊహారేఖ'     Meaning     (noun) : senses; eye; axle; axis (of earth)    వాడుక / Usage   భూమి అక్షం , దాని కక్ష్యాతలానికి 23.44 డిగ్రీల వాలుతో ఉంది. Earth's axis is tilted at an angle of 23.44 degrees from its orbital plane.     మెదడుకు మేత / Food for thought      కులుకు పసిండినిగ్గుల దుకూలములన్ ధరియించి, ముద్దుబి      డ్డలును, పడంతి నీపొదిగిట న్నిదురింపగ గన్నెగాడ్పు లూ      యెలసదనంబు నూచ భయమింత యెఱుంగక కన్నుమూయు నీ      యలఘుసుఖంబు మాకు గలదా? గిజిగా! యొకఱేని కున్నదా?     ( బంగారువన్నెగల దుస్తులు ధరించి, నీ భార్యా పిల్లలు నీ పొదిగిట నిద్రిస్తుండగా, హాయిగా వీచే పిల్లగాలులు మీరున్న ఊయల గృహాన్ని ఊపుతూ ఉండగా, ఏమాత్రం భయంలేకుండా ప్రశాంతంగా...

  ఫిబ్రవరి 16, 2022 ఆవరణము  ( āvaraṇamu )       అర్థము      (విశేష్యము ):  కప్పునది; మూత;  ఆచ్ఛాదనము; వస్త్రము; కంచె; ఇంటి చుట్టూ ప్రదేశం     Meaning     (noun) : covering; garment; fence; compound; space enclosed around house    వాడుక / Usage స్థిరావరణము భూమి పైన ధృవాల దగ్గర భూ ఉపరితలం నుంచి 7 కి. మీ. ఎత్తువరకు, భూమధ్యరేఖ వద్ద 17 కి. మీ. ఎత్తువరకూ వ్యాపించి ఉంది. Troposphere extends 7 km at the poles and 17 km at the equator.     మెదడుకు మేత / Food for thought      తలపయి మండుటెండలను దాలచి చల్లని నీడలిచ్చు పాం,     ధిలకు, కఠోరమౌ శిలలతో పడమోదిన పూలు కాయలున్,     ఫలములొసంగు, ప్రాణములు బాసియు కాయము కోసి యిచ్చు నీ     యిల నరజాతికన్ తరువులే గురువుల్ పరమార్ధ బోధనన్!     (తన తలపై ఎండలు కాస్తున్నా బాటసారులకు నీడలిచ్చే, రాళ్లతో కొట్టినా పూలూ పళ్ళు ఇచ్చే, ప్రాణాలు       పోయినా శరీరం మన అవసరానికి సమకూర్చే వృక్షాలే మానవులకు ప...

  ఫిబ్రవరి 15, 2022 నైసర్గికము  ( naisargikamu )       అర్థము      (విశేషణము ):  స్వాభావికము; నైజము; స్వతసిద్ధము     Meaning     (adj) : natural; innate; inborn; constitutional    వాడుక / Usage బొమ్మలాట మరియు యక్షగానం యొక్క  నైసర్గిక స్వరూపాలు పోలికలు కలిగి ఉంటాయి. Puppetry and yaksha gaana are innately related.     మెదడుకు మేత / Food for thought      ఉపకారికి నుపకారము     విపరీతము గాదు సేయ వివరింపంగా;     నపకారికి నుపకారము     నెపమెన్నక సేయువాడు నేర్పరి సుమతీ     ( మేలు చేసినవానికి తిరిగి మేలు చేయుట గొప్ప కాదు. హాని చేసిన వానికి లోగడ వాడు చేసిన దోషములు లెక్క చేయక ఉపకారము చేయువాడే నేర్పుగలవాడు)     -- సుమతీ శతకం, బద్దెన (13వ శతాబ్ధం)

  ఫిబ్రవరి 14, 2022 అఖాతము  ( a-khātamu )       అర్థము      (విశేష్యము ):  మనుషులచే త్రవ్వబడని; సహజముగా ఏర్పడిన మడుగు; సముద్రము; అఘాతము     Meaning     (noun) : not dug by humans; natural pond/lake; ocean;     వాడుక / Usage భారతదేశం లోని చాలా ముఖ్యమైన నదులు బంగాళ అఖాతంలో కలుస్తున్నాయి. Most of the important rivers of India flow into Bay of Bengal.     మెదడుకు మేత / Food for thought      ఏ పాద సీమ కాశీ ప్రయాగాది ప విత్ర భూములకన్న విమలతరము      ఏ పాదపూజ రమాపతి చరణాబ్జ  పూజలకన్నను పుణ్యతమము      ఏ పాద తీర్థము పాప సంతాపాగ్ని  ఆర్పగా జాలిన అమృతఝరము      ఏ పాదస్మరణ నాగేంద్రశయనుధ్యా నమ్ముకన్నను మహానందకరము      అట్టి పితురుల పదసేవ ఆత్మ మరచి  ఇహపరమ్ములకెడమై తపించువారి      కావగలవారు లేరు లేరు ఈ జగాన వేరే  నన్ను మన్నించి బ్రోవుమో అమ్మా నాన్నా..     -- పాండురంగ మహత్యం, సముద్రాల రా...

  ఫిబ్రవరి 11, 2022 కుయ్యి  ( kuyyi )       అర్థము      (విశేష్యము ):  మొఱ; ఆర్తధ్వని; అరుపు; రక్షణ     Meaning     (noun) : a cry; yell; loud prayer for help; protection    వాడుక / Usage    ' పిల్ల నువ్వులేని జీవితం ట్రాక్ లేని ట్రైను మీద కుయ్యి మంటూ ఎల్లడం'    O sweetheart! life without you is like shrieking while going on a train less track.     మెదడుకు మేత / Food for thought      అల వైకుంఠపురంబులో నగరిలో నా మూల సౌధంబు దా      పల మందారవనాంతరామృత సరః ప్రాంతేందు కాంతోపలో      త్పల పర్యంక రమావినోది యగు నాపన్న ప్రసన్నుండు వి      హ్వల నాగేంద్రము "పాహిపాహి" యనఁ గుయ్యాలించి సంరంభియై     ( అక్కడెక్కడో వైకుంఠపురంలోని ఓ మూల మేడ. ఆమేడ పరిసరాల్లో మందార వనం, అందులో అమృత సరస్సు. అక్కడ మంచం పై లక్ష్మిదేవితో వినోదించు శ్రీమన్నారాయణుడునికి ఏనుగు ‘పాహీ! పాహీ! ( రక్షించు,రక్షించు) అని పెట్టిన కేక వినిపించగనే వెంటనే బయల...

  ఫిబ్రవరి 10, 2022 విహ్వలము  ( vihvalamu )       అర్థము      (విశేషణము ):  ఆందోళనము; కలవరము; తొట్రుపాటు; తబ్బిబ్బు      Meaning     (adj) : shaken; agitated; perturbed    వాడుక / Usage     విహ్వల కంఠంతో దేశం ఈ మత చిచ్చుని ఆపమని ఆక్రోశిస్తోంది.    The country wails in perturbation to douse the flames of religious strife.     మెదడుకు మేత / Food for thought నేడు మన భారత దేశ పరిస్థితి చాలా భయానకంగా తయారు అవుతుంది. ఒక మతంని అనుసరించె వారు వేరే మతం ని అనుసరించెవారిని పరస్పరం దారుణ శత్రువులుగా చూస్తున్నారు. వేరు వేరు మతాల ప్రజల మద్య విద్వేషం నానాటికి పెరిగిపొతుంది. ఇలా విద్వషాలు పెరగటానికి అతి పెద్ద కారాణాలు కూడా లేవు, కేవలం అవతలి వ్య క్తి పరాయి మతం అని ఒక్క కారణం సరిపొతుంది. నేడు భారత దేశ భవిష్య త్తు ఏంటి అని ఆలొచిస్తే చాలా విచారంగా ఉంది. నేడు భారత దేశం మతం అనే చట్రం లొ ఇరుక్కుపొయి ఉంది. ఇటు వంటి పరిస్థితులలొ జరుగుతున్న మత ఘర్షణల నుండి భారత్ దేశం ఎప్పుడు స్వేచ్చ పొందు...

  ఫిబ్రవరి 09, 2022 ఆపన్నము  ( āpannamu )       అర్థము      (విశేషణము ):  ఆపదలో ఉన్నది; విపత్తు సంభవించినది; పొందబడినది, లభించినది      Meaning     (adj) : afflicted; in trouble/danger; hapless; obtained, gained    వాడుక / Usage    కరోనా సమయంలో ఎందరో పేదలకు సోను సూద్ ఆపన్న హస్తం అందించారు.    Sonu Sood extended a helping hand to the needy during Corona.     మెదడుకు మేత / Food for thought దేశమును ప్రేమించుమన్నా మంచి అన్నది పెంచుమన్నా వట్టి మాటలు కట్టిపెట్టోయ్ గట్టి మేల్ తలపెట్టవోయ్ ! వెనుక చూసిన కార్యమేమోయ్ మంచిగతమున కొంచమేనోయ్ మందగించక ముందు అడుగేయ్ వెనుక పడితే వెనుకేనోయ్ ! పూను స్పర్దను విద్యలందే వైరములు వాణిజ్య మందే వ్యర్ధ కలహం పెంచబోకోయ్ కత్తి వైరం కాల్చవోయ్ ! దేశమంటే మట్టికాదోయి దేశమంటే మనుషులోయ్ ! చెట్ట పట్టాల్ పట్టుకుని దేశస్తు లంతా నడవవలె నోయ్ అన్నదమ్ముల వలెను జాతులు మతములన్నీ మెలగవలె నోయి ! మతం వేరైతేను యేమోయి మనసు వొకటై మనుషులుంటే జాతియన్నది లేచి పెరిగీ లోకము...

  ఫిబ్రవరి 08, 2022 పర్యంకము  ( paryankamu )       అర్థము      (విశేష్యము ):  మంచము; పడక; శయ్య; పరుపు; పల్లకి     Meaning     (noun) : cot; mattress; bed; palanquin    వాడుక / Usage    జుట్టు విరబోసుకుని అలక పర్యంకం ఎక్కిన కైకేయిని చూసి దశరథుడు కలవరపడ్డాడు.    Dasaratha was anxious on seeing Kaikeyi lying on the bed sorrowfully.     మెదడుకు మేత / Food for thought సప్తాశ్వరూఢం నక్షత్రమాలం కోటి కిరణ భాస్కరాయ శ్వేతవర్ణం స్ఫటికశీలం అగ్నివర్ణ భాస్కరాయ .. ప్రథమత విష్ణు మధ్యత శంభో అంత్య బ్రహ్మ భాస్కరాయ ... ఛాయాలోలం చంద్రపాలం గగన సంచారి భాస్కరాయ ... శ్వేతారాధం పూర్ణారాధం అష్టమహస్త భాస్కరాయ ... ధగజ్వాలం ధగ్ధజ్వాలం ప్రజ్వాలాంకృత భాస్కరాయ ... అగ్నివస్త్రం సచ్చిదానందం సచ్చిదానంద భాస్కరాయ --- రథ సప్తమి 

  ఫిబ్రవరి 07, 2022 దాపల  ( ḍāpala )       అర్థము      (విశేష్యము ):  ఎడమ; పుర్ర; వామము; సమీపం; భయం;      Meaning     (noun) : left; left side; near; fear    వాడుక / Usage     కాడికి ఎడ్లను వలపల  దాపల  కట్టి పొలం దున్నటం మొదలుపెట్టారు.    They started furrowing after tying the bullocks on the right and left of the plough.     మెదడుకు మేత / Food for thought "నాకు లతా మరియు ఒక హార్మోనియం ఇస్తే చాలు సంగీతాన్ని చేస్తాను"  -- ఎస్.డి. బర్మన్ (అక్టోబర్ 1, 1906 - 1975)

  ఫిబ్రవరి 04, 2022 గోజు  ( gōzu )       అర్థము      (విశేష్యము/క్రియ ):  బాధ; పీడ; జిగురు; అడిగి అడిగి విసిగించు; చాదస్తం     Meaning     (noun/verb) : harass; pester; sticky sap/gum; senility    వాడుక / Usage    స్వాతిముత్యంలో కమలహాసన్ ఉద్యోగం కోసం గోజు పెట్టాడు.    Kamalhasan pesters for a job in Swatimutyam.     మెదడుకు మేత / Food for thought అచట నొకనాడు పండె ముత్యాల చాలు; అట నొకప్పుడు నిండె కావ్యాల జాలు; అచ్చట నొకప్డు కురిసె భాష్యాల జల్లు; విరిసె నట నాడు వేయంచు విచ్చుకత్తి. ఇది గతించిన కథ; వినిపింతు నింక నేటి రాయలసీమ కన్నీటి పాట, కోటి గొంతుల కిన్నెర మీటుకొనుచు కోటి గుండెల కంజరి కొట్టుకొనుచు. అదే పెన్న! అదే పెన్న! నిదానించి నడు! విదారించు నెదన్‌, వట్టి ఎడారి తమ్ముడు! ఎదీ పెన్న? ఎదీ పెన్న? ఎదీ పినాకినీ? ఇదే పెన్న! ఇదే పెన్న! ఇదే పినాకినీ! ఎదీ నీరు? ఎదీ హోరు? ఎదీ నీటి జాలు? ఇదే నీరు! ఇదే హోరు! ఇదే ఇసుక వాలు! అదే పెన్న! అదే పెన్న! కుండపోతల వానలు  గుఱియ నేమి?  పట...

  ఫిబ్రవరి 03, 2022 జంపు  ( jampu )       అర్థము      (విశేష్యము ):  పొడుగు; నేతలో నిలువుపొడుగు; ఇంటి మధ్య కప్పు మోయు కఱ్ఱ; ఆలస్యం; గుంపు;      Meaning     (noun) : length/long; procrastination;  central beam holding roof; group/crowd    వాడుక / Usage    ఆమె నల్లటి జంపు కురుల మోహంలో  నన్ను నేను కోల్పోయాను.    I lost myself in the desire of her long black tresses.     మెదడుకు మేత / Food for thought     " రాయలసీమ వ్యవహారికం తెలియకుండా ప్రబంధాలు, కావ్యాలు చదవలేము." అని శ్రీపాద సుబ్రహ్మణ్యశాస్త్రి ఎందుకు అన్నారు? -  రాయలసీమ వ్యావహారికం చదివితే ప్రబంధ సాహిత్యం చక్కగా తెలుస్తుందనే విషయానికి ఒక్క ముక్కలో సమాధానం చెప్పవచ్చు. ఆ ముక్క పేరు - అన్నమయ్య.  అమ్మపాడే లాలిపాట దగ్గర్నిండీ వీథి లో వినబడే బూతుల వరకూ ఆయన పాటల్లో వినిపిస్తుందని తెలుగువారికి కొత్తగా చెప్పనక్కర్లేదు. అందులో సీమ వ్యావహారికం అడుగడుగునా కనిపిస్తుంది. ఈ విషయంపై ఎందరివో ప్రముఖుల వ్యా...

  ఫిబ్రవరి 02, 2022 గోడంబి  ( godambi )       అర్థము      (విశేష్యము ):  ముంతమామిడిపప్పు; జీడిమామిడి; జీడిపప్పు;      Meaning     (noun) : cashew nut tree; cashew     వాడుక / Usage     గోడంబి పోర్చుగీసు నావికులు ద్వారా ఆఫ్రికా నుండి మలబారు తీరమునకు వచ్చింది.    Portuguese sailors brought Cashews from Africa to the Malabar coast.     మెదడుకు మేత / Food for thought     " బతుకు అప్పుల పాలై       కండ్ల బావుల్లో కన్నీరు ఒకతా వుండేది       తల్లి పాలకు నోసుకోని నీకు పాలిచ్చి       నీ ప్రాణాలను నిలబెట్టిన పెద్దావు       బర్రెముకలు బయటపడి      నీ ఫోటో కల్ల జూస్తా పాణిమిడిసిందిరా........      అని తండ్రి గోపినికి రాసిన మాటలు....      తడారిన గొంతుతో నేనూ నేల      గడ్డి కోసమని కసాయి వాని వెంట నడిచిన పశువులు. "     -- రచయిత, నూకా రాంప్రసా...