రోజుకో తెలుగు పదం

  ఫిబ్రవరి 27, 2025 భరతం పట్టు   ( bharatam pattu )     అర్థము      (జాతీయం)  : గుణపాఠం నేర్పడం; శిక్షించు; కష్టమైన పని (భరతనాట్యం లాగా)  చేయించు    Meaning     (idiom )  : teach a lesson; punish; assign a difficult task      వాడుక / Usage      రాబోయే రోజుల్లో ప్రజలు మీ భరతం పడతారు !     In the coming days, people will teach you a lesson!    మెదడుకు మేత / Food for thought       తరలి రారమ్మా! తరలి రారమ్మా!      గౌతమీ, మంజీర, ఓ నాగావళీ, ఓ వంశధారా,      తుంగభద్ర, పినాకినీ, ఉత్తుంగ భంగా కృష్ణవేణీ!      తరలి రారమ్మా! తరలి రారమ్మా!      నురుగుల ముత్యాల చెరగుల, తరగ మడతల పావడాతో      తురిమి సిగలో రెల్లు పూమంజరులు ఝారులౌ సోయగముతో      తరలి రారమ్మా! తరలి రారమ్మా!      ఆవలి దరి ఎలమావి తోపులు, ఇవలి దరి వరిచేల కోపులు      ఆవల ఈవల చూచుచూ, తలలూచు...

  ఫిబ్రవరి 26, 2025 షరా మామూలు   ( sharaa maamoolu )     అర్థము      (జాతీయం)  : గమనిక (షరా )లో కొత్తగా ఏమీ లేదు; ఎప్పుడూ జరిగేదే; అందరికీ తెలిసినదే    Meaning     (idiom )  : usual thing; common happening      వాడుక / Usage      పేరుకే ఉచిత ఇసుక.. షరతులు షరా మామూలే ...     Free sand only in name.. .usual conditions apply...      మెదడుకు మేత / Food for thought       గాలిలో నా బ్రతుకు      తేలిపోయినదోయి      నీలిలో కలసింది      మాలి! నా బ్రతుకోయి!      గాలిలో...      పంచభూతములార!      రాయంచ, గిరులార!      నా పంచ జేరరే!      పలుకరింపగ రారే!      గాలిలో...      రావోయి, రావోయి      నా దరికి రావోయి      ఆరిపోవునో ఏమో      నా చిన్ని వెలుగోయి      నా...

  ఫిబ్రవరి 25, 2025 శల్య పరీక్ష   ( salyapareeksha )     అర్థము      (విశేష్యము)  : (శల్య=ఎముక), నిశితమైన పరీక్ష; తనిఖీ; సూక్ష్మ విశ్లేషణ    Meaning     (noun )  : close scrutiny/observation      వాడుక / Usage      ప్రతి రాజకీయ నాయకుడికీ యువత శల్య పరీక్ష పెట్టాలి.     Youth should scrutinise every politician very closely .      మెదడుకు మేత / Food for thought       పంట చేల గట్ల మీద నడవాలి      ఊహలేమొ రెక్కలొచ్చి ఎగరాలి      మా ఊరు ఒక్కసారి పోయి రావాలి      జ్ఞాపకాల బరువుతో తిరిగి రావాలి      ఒయ్యారి నడకలతో ఆ ఏరు,      ఆ ఏరు దాటితే మా ఊరు!      ఊరి మధ్య కోవెల, కోనేరు      ఒకసారి చూస్తిరా తిరిగి పోలేరు!      ఊరి మధ్య కోవెల, కోనేరు      ఒకసారి చూస్తిరా వదిలి పోలేరు!      పచ్చని పచ్చిక పైన మేను వాల్చాలి ...

  ఫిబ్రవరి 24, 2025 శివాలెత్తు   ( sivalettu )     అర్థము      (క్రియ)  : చిందులు తొక్కే ఆవేశం; కోపంతో ఆగిపోవడం    Meaning     (verb )  : violent rage/anger; rampage      వాడుక / Usage      శివాలెత్తిన మార్క్రమ్‌.. విధ్వంసకర శతకం .     Rampaging Markam scores a destructive century .      మెదడుకు మేత / Food for thought       కలగంటిని, నేను కలగంటిని      కలలోన తల్లిని కనుగొంటిని      మెడలోన అందాల మందారమాల,      జడలోన మల్లికాకుసుమాల హేల!      ఆ మోములో వెల్గు కోటి దీపాలు,      ఆ తల్లి పాదాలు దివ్యకుసుమాలు!      కంచి కామాక్షియా? కాకున్న, ఈమె      కాశీ విశాలాక్షి కాకూడదేమి?      కరుణించి చూసెనా, వెన్నెలలు కురియు!      కన్నెర్ర జేసెనా, మిన్నులే విరుగు!      పోల్చుకున్నానులే, పోల్చుకున్నాను!    ...

  ఫిబ్రవరి 23, 2025 రసాభాసం   ( ras-ābhāsamu )     అర్థము      (విశేష్యము)  : విరసం; పాడవడం; ధ్వంసం; సరిగ్గా ఉండక పోవడం    Meaning     (noun/adj )  : disagreeable; being spoilt; bad taste      వాడుక / Usage      మున్సిపల్‌ బడ్జెట్‌ సమావేశం రసాభాస .     Municipal budget meeting ends in chaos .      మెదడుకు మేత / Food for thought       కడచేనటే సకియా, ఈ రాతిరి      కడుభారమైన ఎడబాటున      అయ్యయ్యో!      ఈ మేఘవేళ ఏమోకదే చెలియా!      స్వామి దవ్వైన, నిదుర రాదాయెనే      అయ్యయ్యో!      ఈ కడిమివోలె ఎదురుచూచేనే సకియా!      ఏకాకి నా బ్రతుకు చేదాయెనే      అయ్యయ్యో!    -- దేవులపల్లి కృష్ణ శాస్త్రి (రచన), ఓలేటి వెంకటేశ్వరులు (స్వరం)

  ఫిబ్రవరి 20, 2025 పక్కలో బల్లెం   ( pakkalo ballem )     అర్థము      (విశేష్యము)  : సమీపంలో ఉన్న శత్రువు లేదా ఎప్పుడూ ప్రమాదం కలిగించే వాడు    Meaning     (noun )  : thorn in the side; trouble maker      వాడుక / Usage      పాక్‌ పక్కలో బల్లెం బలూచిస్తాన్‌ .     Balochistan - thorn in the side of Pak .      మెదడుకు మేత / Food for thought       మానవజాతుల శోకార్ధ సంగీతం! నిన్ను వెంబడిస్తున్న శిథిలాలు. క్షణాన్ని లోకం నుంచి వేరుచేసి విడిగా తీసుకోవటం ఎలాగ? సౌందర్య సమక్షంలో విచారానికి తావివ్వక పోవటం ఎలాగా? నీ కవతల, నీ ప్రక్కన, నీలోనగాక నన్నే చూడటం ఎలాగ? జ్ఞాపకాల తలుపులు మూసి, మృత వాయువుల మట్టి వాసనలు రాకుండా చేసి నీ పరిమళాన్ని అందుకోవటం నాకు చేతనౌతుందా? అనుమానం, సందేహం, భయం. విశ్వాసం లేదు ఈ కాలపువాళ్ళకి.  బయట నక్షత్రకాంతిలో, నిశాసౌరభశ్వాసలు చెంపల్ని తాకుతుండగా అతడొక నిట్టూర్పు విడిచాడు. దుమ్ము నిండిన గదిలో సిగరెట్ పీకలు. To sleep, prepare for life....

  ఫిబ్రవరి 19, 2025 కబంధ హస్తాలు   ( kabandha hasthalu )     అర్థము      (విశేష్యము)  : విడిపించుకోడానికి వీలు లేని పట్టు; రామాయణంలో కబంధుడు అనే రాక్షసుడు నుంచి    Meaning     (noun )  : clutches; death/iron grip; vise      వాడుక / Usage      దేశం అవినీతిపరుల కబంధ హస్తాల్లో చిక్కుకుంది.      The country is caught in the vise of corrupt people .      మెదడుకు మేత / Food for thought       కొన్ని స్మృతులు దిగులు కలిగిస్తాయి. మనస్సులోకి వచ్చి, మునిమాపు చీకట్లో మందిరంలోనికి వచ్చే గబ్బిలాల్లాగ. మరికొన్ని ఉదయాన్నే ఇంటి కిటికీలోనుంచి లోనికి చొరబడి గిలిగింతలు పెట్టో, ఒళ్ళు నిమిరో, లేపే సూర్యకిరణంలాగ, గాలి కెరటంలాగ ఉంటాయి. కొన్ని అడపా తడపా పెళ్ళి పందిట్లో అత్తరు వాసనలాగ తగుల్తాయి. వేరొక కొన్ని క్రేవనే ఉన్న ఇల్లాలి కుంతలాలనుంచి తటాలున సాంబ్రాణి వాసనలాగ స్ఫురిస్తాయి. కొన్ని వేసంగి సందెలో మల్లె తావి లాగ పులుగు కూతలాగ హాయి అనిపిస్తాయి...త్వరగా ఊళ్ళోకి న...

  ఫిబ్రవరి 18, 2025 ఉత్సవవిగ్రహం   ( utsavavigraham )     అర్థము      (విశేష్యము)  : ఊరేగింపుకు వాడే విగ్రహం; సత్తా/అధికారం లేని వారు    Meaning     (noun )  : small idol used in procession; figurehead; having no power      వాడుక / Usage     మన వ్యవస్థలో గవర్నర్ కేవలం ఉత్సవవిగ్రహం మాత్రమే...కానీ . .     Governor is just a figure head in our system..But.. .      మెదడుకు మేత / Food for thought      మనిషికీ మనిషికీ మధ్యలోనే కాదు గోడలుండడం. ప్రతి మనిషిలోనూ ఒక పల్చటి తెర ఉంటుంది. ఆ తెర ఊడిపోకుండా సంఘం కాపలా కాస్తుంటుంది. కాని రాత్రి ఎప్పుడో – మండు వేసంగి రాత్రి మైమరిచి నిద్ర పోతుంటేనో, వాన చినుకులు పడి భూమి పొంగినప్పుడో – ఎప్పుడో ఎందుకో తెర విడిపోతుంది నిజస్వరూపం భయంకరంగా కనబడుతుంది. విసుక్కుంటుంది, తిడుతుంది; కొడుతుంది కూడా.     --  తనను గురించిన నిజం  (1927), బుచ్చి బాబు

  ఫిబ్రవరి 17, 2025 అరణ్యరోదన   ( aranyarodana )     అర్థము      (విశేష్యము)  : అడవిలో ఏడుపు; ఉపయోగం లేనిది    Meaning     (noun )  : a cry in the wilderness; having no use/effect      వాడుక / Usage      ఆర్టీసీ కార్మికులు అరణ్యరోదన .     RTC workers plea for help has no takers .      మెదడుకు మేత / Food for thought      లేచిపోయినా నంటే ఎవరన్నా నన్ను, నాకెంతో కష్టంగా ఉంటుంది. ఇదివరకంతా ఈ మనుషుల్లోంచి, నీతివర్తనులలోంచి వెళ్ళిపోయి ఎడారిలో జీవించటం వల్ల నేను చేసిన పని ఘోరత్వం నీచత్వం బోధపడలేదు. ఆ జీవితమంతా సుందరమైన దివ్యమైన స్వప్నమువలె, ఆ ఏడారి పుణ్యభూమివలె, నా జీవితంలో ఈశ్వరుడికి నేనెత్తే మంగళహారతివలె తోచింది. ఇంటిని, బంధువుల్ని, భర్తని మరిపించగల అనుభవం ఎంత ఉన్నతమో, అద్భుతమో నువ్వే ఆలోచించు. అమీర్‌ని, మీరాని అనుభవించిన తరవాత మన చుట్టూ బతికే ఈ ప్రజలందరూ పురుషులైనా, మనుషులేనా అనిపిస్తుంది నాకు.     -- మైదానం (1927), చలం

  ఫిబ్రవరి 16, 2025 అగ్రతాంబూలం   ( agratambulam )     అర్థము      (విశేష్యము)  : గౌరవసూచకంగా అందరికంటే ముందు ఇచ్చే తాంబూలం; ప్రాధాన్యం    Meaning     (noun )  : first to be honoured in a gathering; primacy      వాడుక / Usage      మంత్రివర్గంలో కొత్తవారికి అగ్రతాంబూలం .     First time ministers given priority .      మెదడుకు మేత / Food for thought      అజ్ఞానం క్రియకీ కర్మకీ కారణం. జ్ఞానం సమాధికీ విధానానికి కారణం. ఆ అజ్ఞానాన్ని తను భద్రంగా కాపాడుతాడు. ఆ అజ్ఞానాన్ని తను భ్రమలతో, ఆశలతో పోషిస్తాడు. తన మనస్సు తన భావాన్ని నిజానికి నమ్మలేదు. తనలో వుండే అధికార వాంఛ నిజానికి ఆ భావాన్ని తయారు చేసి ఇతరుల్ని నమ్మమంది. తానే నమ్మినట్టుగా నమ్మించింది. తాను నమ్మినట్టుగా వుండిపోవడం వలన ఒక్కొక్కసారి తాను నమ్మేశాడు. అలా నమ్మకపోతే పదికోట్ల జండాలమీద పదికోట్ల అర్థచంద్రరేఖ లెగరవు. పదికోట్లమంది యొక్క ఇరవైకోట్ల కళ్ళల్లోని భక్తినీ, విశ్వాసాన్నీ తాను చూరగొనలేడు. తనకే కాదు, స్...

  ఫిబ్రవరి 13, 2025 ముంగిట   ( mungiṭa )     అర్థము      (క్రియావిశేషణము)  : ముందర; ఎదురుగా    Meaning     (adverb )  : at first; in front      వాడుక / Usage      ముంగిట పొలసిన మోహన మాత్మల పొంగించే ఘన పురుషుడు.      He is the One who bestows upon the devoted that come to his threshold.      మెదడుకు మేత / Food for thought తన ఇంటి ముంగిట భూదేవి నుదుట ముగ్గులేసిందమ్మ కలికీ సిగ్గులన్నీ చిలికి చిలికి నేలపై తారాడు నింగి చుక్కల్లో  ఉరుములేక ధరను మెరయు మెరుపుల్లో ముద్దమందారాల పొత్తు కడుపుల్లో చిన్ని వన్నెల ముగ్గు ఇలకు హరివిల్లు పల్లె నిండా పాల కడలి కెరటాలు ఇళ్ల నిండా వెలుగు సూర్య కిరణాలు శ్రీరామచంద్రుని శ్రీ పాదములకు సీతమ్మ అర్పించు నీరాజనాలు  -- జేగంటలు  (1981), వేటూరి

  ఫిబ్రవరి 12, 2025 నీటు   ( nīṭu )     అర్థము      (విశేష్యము)  : మురిపెము; విలాసము; లావణ్యము    Meaning     (noun)  : prettiness; elegance; charming      వాడుక / Usage      నీటు గ నూర్పుల నిఖిల వేదములు చాటువ నూరెటి సముద్రుడితడు.     He is the Samudra who with elegance threshes Vedas and proclaims.      మెదడుకు మేత / Food for thought తొలి చూపు చెలి రాసిన శుభలేఖ తొలి చూపు చెలి రాసిన శుభలేఖ పలుకే లేనిది.. ప్రియ భాషా పలుకే లేనిది.. ప్రియ భాషా తొలి చూపు చెలి రాసిన శుభలేఖ తొలి చూపు చెలి రాసిన శుభలేఖ కన్నూ కన్నూ నవకళ్యాణి లో.. రాగాలెన్నో పలికే క్యా అందాలన్నీ బిగి కౌగిళ్ళకే.. రావాలనీ అలిగే బనే మేరే ప్రాణ్ మన్ మధ్ కే తీర్ ఏహై ప్రేమ్ కా సార్ ప్రాణాలన్ని మరు బాణా లైదుగా చేసే ప్రేమ కావ్యం అఛ్చా తొలి పాట చెలికంకితం..  చెలి నీడ నా జీవితం... ఆరారు కాలాల కిది కామితం నజరోం సే ఆహ దిల్ నే దియా నజరానా ఆహహ.. న హో సకా ఔర్ దేనా  న హో సకా ఔర్ దేనా దేనా  నజరోం సే ఉహూ.. ది...

  ఫిబ్రవరి 11, 2025 ఒడము   ( odamu )     అర్థము      (క్రియ)  : కలుగు; పుట్టు; జనించు    Meaning     (verb)  : to arise; be born; produce      వాడుక / Usage      మాటలాడినను మరియజాండములు కోటులు వొడమెటి గుణరాశి.     He just needs to open his mouth and lo behold infinite worlds are produced.      మెదడుకు మేత / Food for thought ఏదో..ఏదో..ఎంతో..చెప్పాలని.. మనసంతా విప్పాలని.. అంతే..అంతే.. అంతే..! చూసీ.. బాణాలు దూసీ.. ప్రాణాలు తీసీ.. ముసి ముసి నవ్వు విసిరేయకూ.. ఊగీ.. మబ్బల్లే.. మూగీ.. మెరుపల్లే.. సాగీ నా గుండెల్లో ముసురేయకు.. కోరీ.. ఊహల్లో దూరీ.. కళ్ళల్లో చేరీ నా మనసింక ఊరించకు.. వలచి.. ఈ వేళ పిలిచి... దూరాన నిలిచి నను మరికాస్త ఉడికించకు.. -- సూర్య చంద్రులు (1977), డా. సి. నారాయణ రెడ్డి

  ఫిబ్రవరి 10, 2025 గని   ( gani )     అర్థము      (విశేష్యము)  : బిలం; రంధ్రం; భూమిలో ధాతువులు/లోహములు త్రవ్వి తీసే బిలం     Meaning     (noun)  : mine; quarry; hole      వాడుక / Usage      నిలిచిన నిలువున నిఖిల దేవతల కలిగించు సురల గని వో యితడు.     He stands tall as the embodiment, the goldmine of divinity.      మెదడుకు మేత / Food for thought తొలిచూపు ఒక పరిచయం..మలిచూపు ఒక అనుభవం ఈ చూపుల ఊసులలో..ఆ కన్నుల కలయికలో జరిగే తతంగం..అనురాగపు తొలి రంగం ఒక పూవు పూచిన చోట..ఆ పూవు నవ్విన చోట వెలిసింది దేవాలయం..అదే ప్రేమాలయం ఒక రాగం పిలిచిన చోట..అనురాగం పలికిన చోటా వెలిసింది రాగాలయం..అదే ప్రేమాలయం అదే ప్రేమాలయం మలిసంధ్య ముగిసిన చోట..జాబిల్లి విరిసిన చోట వెలిసింది హృదయాలయం..అదే ప్రేమాలయం ఆకాశం వంగిన చోట..భూదేవిని తాకిన చోట వెలిసింది ఒక ఆలయం..అదే ప్రేమాలయం అదే ప్రేమాలయం -- అద్దాల మేడ (1981), దాసరి

  ఫిబ్రవరి 09, 2025 సొలయు   ( solayu )     అర్థము      (క్రియ)  : నీరసపడు; మూర్ఛిల్లు; వెనుకడుగువేయు    Meaning     (verb)  : to be tired/faint/retreat/slacken      వాడుక / Usage      సొలసి జూచినను సూర్యచంద్రులను లలివెదజల్లెడు లక్షణుడు.     Even with a relaxed look He outshines the Sun and the Moon.      మెదడుకు మేత / Food for thought వందనాలు..వందనాలు.. వలపుల హరిచందనాలు వెన్నెలలో వేచి వేచి వెచ్చనైన.. నా స్వామికీ వందనాలు ఊ..వందనాలు ..వందనాలు.. వలపుల హరిచందనాలు కన్నులలో నీరు నిల్చి చల్లనైన... నా దేవికీ వందనాలు... ఊ..వందనాలు..వందనాలు.. వలపుల హరిచందనాలు ఈ కన్నే కోపాలు.. వెన్నెల్లో దీపాలు.. ఆ ముద్దు మురిపాలు.. ఏ పొద్దు సగపాలు.. ఈ కంటి నీలాలు... ఆ కంట పోంగితే సురగంగ నీరాల.. సరిగంగ తానాలు  ఈ చుక్క రాకతో నవరాత్రి నవ్వనీ... ఈ ఒక్కరాతిరి తొలి రాతిరవ్వనీ...  కలలన్నీ కలయికలే ... కలుసుకొనే కౌగిలిలో... వందనాలు..  ఊ.. వందనాలు వందానాలు వలపుల హరిచందనాలు... వెన్నెలల...

  ఫిబ్రవరి 06, 2025 అలమట   ( alamaṭa )     అర్థము      (విశేష్యము)  : చింత; విచారం; దుఃఖం    Meaning     (noun)  : grief; sorrow; affliction      వాడుక / Usage      ఆహారం లేక అలమటిస్తున్న వానరాలు.     Monkeys suffering from lack of food .     మెదడుకు మేత / Food for thought సౌరభము లేల చిమ్ముఁ పుష్పవ్రజంబు? చంద్రికల నేల వెదఁజల్లు జందమామ? ఏల సలిలంబు పారు? గాడ్పేల విసురు? ఏల నా హృదయంబు ప్రేమించు నిన్ను? మావిగున్న కొమ్మను మధుమాసవేళఁ బల్లవము మెక్కి కోయిల పాడు టేల? పరులఁ దనియించుటకొ? తన బాగు కొరకొ? గాన మొనరింపక బ్రతుకు గడవఁ బోకొ       -- దేవులపల్లి కృష్ణశాస్త్రి (1897 - 1980)

  ఫిబ్రవరి 05, 2025 వాపోవు   ( v āpōvu )     అర్థము      (క్రియ)  : ఆవేదన వ్యక్తం చేయడం; అరవటం; ఏడవడం    Meaning     (verb)  :  to cry out; wail      వాడుక / Usage     జీరో టికెట్స్ కండక్టర్ల ప్రాణం మీదకు వస్తున్నాయి అని ఆర్టీసీ జేఏసీ వాపోయింది .     Zero priced tickets are making conductor's lives difficult laments  JAC .     మెదడుకు మేత / Food for thought      నిండుగా పూసిన ప్రతి మామిడి చెట్టూ      నేను పోగొట్టుకున్న దాన్ని      నేను నిజంగా పోగొట్టుకోలేదనే చెప్తుంది.      మాఘమాసం రాగానే      కిందటేడాది ఎక్కడ వదిలిపెట్టానో      ఆ కవితలక్కడే కనిపిస్తాయి.      మునుపెన్నడో ఒక కథలో చదివామే      గంగానదిలో ఒక కంకణం పోగొట్టుకున్న చోటనే      రెండో కంకణం కూడా దొరికినట్టు      అప్పుడు సగంలో ఆగిపోయిన చరణానికి   ...

  ఫిబ్రవరి 04, 2025 ఆపోవు   ( āpōvu )     అర్థము      (క్రియ)  : తృప్తి పడు; తీరిపోవు    Meaning     (verb)  : to be satisfied      వాడుక / Usage     కళాకారుడు తన పనితో ఆపోవు నాడు ఎదుగుదల ఆగిపోతుంది .     Once an artist is satisfied with his work, his development stops.     మెదడుకు మేత / Food for thought      మునుపు మసీదు వాకిటను ముచ్చెలు దొంగిలిపోతిఁ; బ్రాతవై      చినిఁగెను; నేఁడునున్ మరల జెప్పులకోసము వచ్చినాఁడ. నె      మ్మనము సెడంగ నియ్యెడ నమాజొనరింపఁగ రాను; నీవు చ      చ్చినయెడ వీడిపోయెదవు చెప్పులువోలె నమాజుసైతమున్.      నమాజుతో నెమ్మనము చెడుతుందట! చిత్రం.     -- పానశాల, రామిరెడ్డి (ఖయ్యామ్ రుబాయతు)

  ఫిబ్రవరి 03, 2025 వెరవు   ( veravu )     అర్థము      (విశేష్యము)  : ఉపాయం; విధము; నేర్పు    Meaning     (noun)  : way; method; skill; means      వాడుక / Usage      వెరవు ను లావును గలిగిన, పురుషులు లోకమున కద్దు .     Men with courage and expedience are quite rare.     మెదడుకు మేత / Food for thought      వేసవిలో కడుపు నిండా తినటాకికి చిన్న రసాలిచ్చావ్      అవిబాగా కాయటానికి నూజివీడు ఆగిరిపల్లి మామిడి తోటలిచ్చావ్      వాటిని దించటానికి ఉగ్గాల పగ్గాలిచ్చావ్ ,రవాణాకు రోడ్లు, లారీలిచ్చావ్      అందుకే ఓ దేవుడా !నువ్వు నాకు పిచ్చపిచ్చగా నచ్చావ్ .      రసాలు కడిగి  నానబెట్టటానికి మున్సిపల్ పంపు, బకెట్ కూడా ఇచ్చావ్      పెరుగన్నంలో  నంజుకు తినటానికి అవకాశమిచ్చావ్ ,      తినకపోతే నార తీసే  నాన్న నిచ్చావ్ ,పారేస్తే తోలు తీసే తల్లి నిచ్చావ్    ...

  ఫిబ్రవరి 02, 2025 వెరగు   ( veragu )     అర్థము      (విశేష్యము)  : ఆశ్చర్యం;  నిశ్చేష్టత    Meaning     (noun)  : surprise; astonishment; wonder      వాడుక / Usage     లండన్ దొంగల దైర్యం చూసి పోలీసులు కూడా వెరగు లై జవసత్వాలు కోల్పోయారు .     London police are frozen with astonishment at the brazenness of robbers.     మెదడుకు మేత / Food for thought      పోల్చనా నిన్ను వైశాఖపు వేసవి రోజుతో?     దానికంటే మధురం దానికంటే మృదు మరువం నువ్వు:     మరులుగొల్పే మల్లెలు వాడి వేసారు వడ గాలి సెగలతో,     వసంత కాలపు రోజులు వడివడిగా సాగి కనుమరుగవ్వు:     గగనవీధిలో వెలిగే నేత్రం వేసవిలో మంటలురేపే మధ్యాహ్నం,     సువర్ణరేఖల భానుడు మబ్బుల మాటున చేరి దోబూచులాడెను అపుడపుడూ;     సృష్టిలో ప్రతీ అందం కాలానికి ఒగ్గును శిరం, తప్పదు దాని పతనం,     ప్రకృతి ధర్మం అది, చెరగని నిజం అది, తరతరాల ఈ శృంఖల ఆగదు ఎపు...