రోజుకో తెలుగు పదం

  జులై 02, 2024 తీండ్రము    ( tīnḍramu )     అర్థము      (విశేష్యము ) : తీక్షణము; ప్రచండము; చురుకుతనం; వేడిమి; ప్రకాశము      Meaning     (noun) :  splendour; warmth; fierce; active; radiance    వాడుక / Usage     "కదులుతున్నాయి మనిషి గుండెలో గాండ్రించే అరణ్యాలు, గీపెట్టే సముద్రాలు, తీండ్రించే జలపాతాలు " .     Man's heart resonates with roaring forests, wailing oceans, fierce waterfalls.     మెదడుకు మేత / Food for thought       ధ్వనికీ ప్రతిద్వనికీ మద్యనేను      హింసకీ ప్రతహింసకీ మద్యనేను      విధ్వంసానికీ నిర్మాణనికీ మద్యనేను      వ్రణనికీ రక్తకణనికీ మద్యనేను      వధ్యశిలలకూ కలలకు మద్యనేను      మౌనానికీ మానవాగ్నికీ మద్యనేను      చిదిమిన గాయాలకూ చిందిన వెలుతురుకూ మద్యనేను      కన్నీటిలోయలకూ కాంతి శిఖరాలకూ మద్యనేను      అణచివ...

  జులై 01, 2024 శైథిల్యము    ( ṣaiṭhilyamu )     అర్థము      (విశేష్యము ) : శిథిలమైనది; ధృడము కానిది; దౌర్బల్యము      Meaning     (noun) :  decay; dilapidation; slackness    వాడుక / Usage     "ప్రపంచాన్ని కుదిలించే పంచేంద్రియాలు; శరీర పంజరాన్ని కొరుక్కుతినే శైథిల్యాలు " .     Five senses that shake and mould the world; the gnawing decay of fettered body.     మెదడుకు మేత / Food for thought       ఓ నక్క ప్రమాణ స్వీకారం చేసిందట      ఇంకెవర్ని మొసగించనని,      ఓక పులి పశ్చాత్తాపం ప్రకటించిందట      తోటి జంతువులను సంహరించనని,      ఈ కట్టుకథ విని గొర్రెలింకా      పుర్రెలూపుతునే ఉన్నాయ్‌....     -- అలిశెట్టి ప్రభాకర్ (జనవరి 12, 1954 - 1993)

  జూన్ 28, 2024 చెక్కిలి    ( chekkili )     అర్థము      (విశేష్యము ) : చెంప; కపోలము      Meaning     (noun) :  cheek    వాడుక / Usage     " కన్నె చెక్కిళ్ళలో కందే గోరింటాకు కన్నులతో రాసే ప్రేమే లేఖ నీకు " .     Damsel's cheeks blush in red; furtive eyes compose of love an ode.     మెదడుకు మేత / Food for thought       ప్రశ్నలే లేనప్పుడు జవాబుతో పని ఏమిటి     దారులే లేనప్పుడు గమ్యంతో పని ఏమిటి      ముక్కలై పోయినపుడు కంటిలోని అలలన్నీ      చెంపపై జారుతున్న నవ్వులతో పని ఏమిటి      చుక్కలను సిగపూలుగ తురుముకున్న రాత్రుల్లో      చీకటే నెచ్చెలియ వెలుగులతో పని ఏమిటి      పల్చనై పోతుంటే అనురాగం మనసుల్లో      మౌనమే బాగున్నది రాగాలతో పని ఏమిటి      గుండెలో ఇరుకైతే ఉండాలా అందులోనె      ప్రాణమే గడ్డకడితె నెత్తుటితో పని ఏమిటి     ...

  జూన్ 27, 2024 శ్రీకారము    ( ṣrī-kāramu )     అర్థము      (విశేష్యము ) : ప్రారంభము; శ్రీ అనే అక్షరంతో శుభసూచకంగా మొదలు పెడతారు కనుక      Meaning     (noun) :  launching of something new; commence    వాడుక / Usage     " చెప్పాలంటే నాలో సిగ్గే శ్రీకారాలు వెన్నెలలో కాగే తారా మందారాలు " .     (How) to express my love when bashfulness stops me from starting; stars in the moonlight are the flowers of my burning desire!     మెదడుకు మేత / Food for thought        ఉదయాలను తిలకించే హృదయాలకు వందనం       హృదయాలను వెలిగించే ఉదయాలకు వందనం      స్పందించే మనసొకటే మనడానికి చాలునా      ఉదయాలను తలపించే కదనాలకు వందనం      చరితలోన గుర్తులన్ని చెరిపేస్తే చెరిగేన      కదనాలను ఎదనిలిపే నయనాలకు వందనం      అడుగులన్ని కలిసినపుడె దండుకదిలి సాగులే      నయనాలను నడిపించే పయనాలకు ...

  జూన్ 26, 2024 మానసము    ( mānasamu )     అర్థము      (విశేష్యము ) : మనస్సు; అభిప్రాయము; ఒక సరస్సు; విష్ణువు ఆకారము      Meaning     (noun) :  mind; seat of reasoning; a lake    వాడుక / Usage     " బ్రహ్మ మానస గీతం మనిషి గీసిన చిత్రం చేతనాత్మక శిల్పం మతి కృతి పల్లవించె చోట " .     Ballad of Brahmas mind, painted by man, sculpture with consciousness, a place where thought and action grow tender shoots .     మెదడుకు మేత / Food for thought        చూపు ఎంత అలిసిందో తోడు ఉన్న చుక్కల్ని అడుగు       ఓర్పు ఎంత విసిగిందో గోడు విన్న చంద్రుణ్ణి అడుగు      వేచి ఉన్న ఘడియలన్ని వెక్కిరించి వెళుతుంటే      అహం ఎంత అలిగిందో కమ్ముకున్న మౌనాన్ని అడుగు      ప్రతినిముషం నరకంగా రాతిరంత గండంగా      గుండె ఎంత పొగిలిందో ఆదుకున్న సూర్యుణ్ణి అడుగు      ఎన్నికోర్కెలెన్నికలలు గంగపాలు అవుతుంటే...

  జూన్ 25, 2024 సోపానము    ( sōpānamu )     అర్థము      (విశేష్యము ) : మెట్టు; ఆరోహణము      Meaning     (noun) :  step or staircase    వాడుక / Usage     " ఏది భువనం ఏది గగనం తారా తోరణం ఈ చికాగొ సియర్సు టవరు స్వర్గ సోపానము " .     Which is land and where is sky, festoon of stars this Chicago Sears towers; a staircase to heavens .     మెదడుకు మేత / Food for thought        మధువుకే మత్తెక్కి, నాపై స్వారి చేస్తూ ఉన్నది !!      మరచిపోయిన గాథలన్నీ, తవ్వి పోస్తూ ఉన్నది !!      గొంతు దాటిన పిదపనైనా, కుదురు లేదీ మధువుకు !      అన్ని దిశలకు ఒక్కసారే పరుగు తీస్తూ ఉన్నది !!      ఉదరమును చేరిన మధువు, దాహము పెంచి వంచిస్తున్నది !      తనను తానే తాగుతూ, తాండవము చేస్తూ ఉన్నది !!      అన్ని మరిచే మత్తు కోసం, మధువు చెంతకు చేరితే,      నా వయసుతో నా ఓటములనే, హెచ్చవేస్తూ ఉన...

  జూన్ 24, 2024 పయనము    ( payanamu )     అర్థము      (విశేష్యము ) : ప్రయాణము      Meaning     (noun) :  journey    వాడుక / Usage     " జీవితం సప్త సాగర గీతం, వెలుగు నీడల వేదం; సాగనీ పయనం ; కల ఇల కౌగిలించే చోట " .     Ocean of life an undulating song, lattice of light and shadow true that is; continue the journey; where dream and world come together .     మెదడుకు మేత / Food for thought        కాలి బూడిదయేలోపు..వస్తావని చూస్తున్నా       నా కోర్కెల చితికి నిప్పు..పెడతావని చూస్తున్నా      ప్రేమించుటకన్న అసలు..ఘోరనేర మేమిటిలే      జ్ఞాపకాల గూడు కాల్చి..వెళతావని చూస్తున్నా      నిదురకేమొ అంటరాని..వాడినైతి నీదయతో      నీ చూపుల గంధమింత..పూస్తావని చూస్తున్నా      వ్రాయలేక దాచుకున్న..తెల్లకాగితాల ఘోష      అక్షరాల నా శ్వాసన..వింటావని చూస్తున్నా  ...

  జూన్ 21, 2024 క్రొవ్వలపు    ( krovvalapu )     అర్థము      (విశేషణము ) : మదము లేక కామము తో కూడిన       Meaning     (adj) :  lust/pride filled    వాడుక / Usage     "పువ్వింటి రేడు కవ్వించగా క్రొవ్వలపు తలపు నవ్వించగా" .     As the lord of flowers (Manmadha) intoxicated him with lustful thoughts he smiled .     మెదడుకు మేత / Food for thought        कबीर हमारा कोई नहीं हम काहू के नाहिं ।       पारै पहुंचे नाव ज्यौं मिलिके बिछुरी जाहिं ॥      కబీర్ హమారా కోయి నహీ హమ్ కాహూ కే నాహి     పారే పహూంచే నావ్ జ్యో మిలికే బిచురీ జాహీ     కబీర్ నా కెవరూ లేరు నేను ఎవరికీ కాను     నది దాటాక అప్పటిదాకా కలిసి వెళ్లినా దిగాక ఎవరి దారి వారిదే     -- కబీర్ దాస్

  జూన్ 20, 2024 చెలువు    ( cheluvu )     అర్థము      (విశేష్యము ):  అందము; విధము; ప్రియము      Meaning     (noun) : beauty; manner; elegance    వాడుక / Usage     "నిలువుటద్దుమున చెలువు  చూచి తలయూచి" .     Nodding in happiness at (his) beauty in the mirror .     మెదడుకు మేత / Food for thought        नहाये धोये क्या हुआ, जो मन मैल न जाए ।       मीन सदा जल में रहे, धोये बास न जाए ॥     నహాయే ధోయే క్యా హువా, జో మన్ మైల్ న జాయే     మీన్ సదా జల్ మే రహే, ధోయే బాస్ న జాయే     స్నానం చేసి శుభ్రం చేసుకుంటే సరిపోతుందా, మనసులోని మలినం పోదు గదా     చేపలు నీళ్లలోనే ఉంటాయి, కడిగినా వాటి వాసన పోదు గదా     -- కబీర్ దాస్

  జూన్ 19, 2024 అనవరతము    ( anavaratamu )     అర్థము      (విశేషణము ):  ఎల్లపుడూ; ఎడ తెగనిది      Meaning     (adj) : perpetual; incessant; constant    వాడుక / Usage     "అతిపవిత్రము అకల మిత్రము ఈ ధరిత్రికి అనవరతము " .     Very sacred and dear to Brahman, perpetually to this Earth .     మెదడుకు మేత / Food for thought        निंदक नियरे राखिए, ऑंगन कुटी छवाय ।      बिन पानी, साबुन बिना, निर्मल करे सुभाय ॥     నిందక్ నియరే రాఖియే, ఆంగన్ కుటీ ఛవాయ్     బిన్ పానీ, సాబున్ బినా, నిర్మల్ కరే శుభాయ్     నిన్ను నిందించే వారిని దగ్గరగా పెట్టుకో, ఇల్లు వాకిలి పైకప్పు (శరీరం ఇంద్రియాలు బుద్ధి)     నీళ్లు లేకుండా, సబ్బు అవసరం లేకుండా, మలము లేకుండా నిర్మలం అవుతావు     -- కబీర్ దాస్

  జూన్ 18, 2024 జ్యోత్స్న    ( jyōtsna )     అర్థము      (విశేష్యము ):  వెన్నెల; వెన్నెల రాత్రి      Meaning     (noun) : moonlight; moonlit night    వాడుక / Usage     "సతము శీల జ్యోత్స్నా పులకిత హేల శారద రాత్రము" .     Eternally of good conduct like the rapturous bliss of moonlight in an autumn night .     మెదడుకు మేత / Food for thought       माया छाया एक सी, बिरला जाने कोय       भागता के पीछे लगे, सम्मुख भागे सोय     మాయా ఛాయా ఏక్ సీ, బిర్లా జానే కోయ్     భాగ్తా కె పీచే లగే, సమ్ముఖ్ భాగే సోయ్     మాయ నీడ ఒక లాంటివే, ఎక్కడో వేలల్లో ఒకళ్ళకే వాటి గురించి తెలుసు     పరిగెడితే వెంట పడతాయి, (అంతఃశుద్దితో) ఎదురు నిలిస్తే వదిలి పారిపోతాయి     -- కబీర్ దాస్

  జూన్ 17, 2024 విస్ఫురితము    ( visphuritamu )     అర్థము      (విశేషణము ):  కంపించినది; ఉబ్బినది; వ్యాపించినది; మెరిసినది      Meaning     (adj) : trembling; swollen; outstretched; glittering    వాడుక / Usage     "భారతనారీ చరితము మధుర కథా భరితము పావన గుణ విస్ఫురితము " .     The epic of Indian woman is filled with nectarine stories of glittering pure qualities .     మెదడుకు మేత / Food for thought       निबन्धा  बंधा रहे बंधा निर्बंधा होय     कर्म करे कर्ता नहीं दास कहाय सोय     నిబంధా బంధా రహే బంధా నిర్బంధా హోయ్     కర్మ్ కరే కర్తా నహీ దాస్ కహాయ సో య్     కట్టడిలో మనిషి ఉంటే మనిషి బంధ విముక్తుడు అవుతాడు     పని చేస్తూ చేస్తున్నాననే అహం వదిల్తే నిజమైన సేవకుడు అవుతాడు     -- కబీర్ దాస్

  జూన్ 14, 2024 నూపురము    ( nūpuramu )     అర్థము      (విశేష్యము ):  అందె; మంజీరము; గజ్జె; మువ్వ      Meaning     (noun) : an anklet with bells    వాడుక / Usage     వయ్యారి నడకల నీ నూపుర  రవళి నా గుండెలయలకి మత్తెక్కిస్తోంది .     The sound of your anklets as you sashay, make my heart beat to a heady high .     మెదడుకు మేత / Food for thought     చెలియే మృత్యువు? చుట్టమే యముఁడు? సంసేవార్థులే కింకరుల్?      శిలలం జేసెనె బ్రహ్మదన్ను? దృఢమే జీవంబు? నో చెల్లరే!      చలితం బౌట యెఱుంగ కీ కపట సంసారంబు నిక్కంబుగాఁ      దలఁచున్ మూఢుఁడు సత్యదాన కరుణాధర్మాదినిర్ముక్తుఁడై      (అయ్యయ్యో! మృత్యువు ఏమైనా ఆప్తమిత్రమా ఏమిటి? లేక యముడు దగ్గర చుట్టమా? యముని సేవకులు భక్తితో సేవించాలి అనేటంత బుద్ధిమంతులా ఏమిటి? పోనీ ప్రాణం ఏమైనా శాశ్వతమా? లేక ఈ శరీరాన్ని బ్రహ్మ రాళ్ళతో కానీ మలచాడా? సత్యం ఇలా ఉండగా, మూర్ఖుడు సత్యమూ ద...

  జూన్ 13, 2024 నభము    ( nabhamu )     అర్థము      (విశేష్యము ):  ఆకాశము; శ్రావణ మాసము; మేఘము; ముక్కు      Meaning     (noun) : sky; rainy season; cloud; nose    వాడుక / Usage     నీ నభము పై మెరిసేటి ముత్యము నభములో మెరిసేటి ధ్రువతారలా ఉంది .     The pearl on your nose is like the shining pole star in the sky .     మెదడుకు మేత / Food for thought       ఇంతింతై, వటుఁడింతయై మఱియుఁ దా నింతై నభోవీథిపై       నంతైతోయదమండలాగ్రమున కల్లంతై ప్రభారాశిపై       నంతైచంద్రుని కంతయై ధ్రువునిపై నంతై మహర్వాటిపై       నంతైసత్యపదోన్నతుం డగుచు బ్రహ్మాండాంత సంవర్ధియై      ( ఇంత ఇంత చొప్పున ఎదగటం మొదలెట్టాడు; అంతట్లోనే అంత పొడుగు ఎదిగాడు; అలా ఆకాశం అంత ఎత్తు పెరిగాడు; అదిగో మేఘాలకన్నా పైకి పెరిగిపోసాగాడు; పాలపుంత, చంద్రమండలం అన్నీ దాటేసాడు; అదిగదిగో ధ్రువ నక్షత్రం కూడ దాటేసాడు; మహర్లోకం మించిపోయాడు. సత్యలోకం ...

  జూన్ 12, 2024 యదృచ్ఛ    ( yadṛichcha )     అర్థము      (విశేష్యము ):  తనకు తానే; అప్రయత్నముగా; ఇష్టమునకు తగునట్లు      Meaning     (noun) : of ones own accord or free will; without compulsion or labour    వాడుక / Usage      వాతావరణ నమూనాలో కనిపించింది కేవలం యదృచ్ఛ కాదు అని లారెంజ్ కనుగొన్నాడు .     Lorenz discovered that t he data in weather sampling was not purely independent.     మెదడుకు మేత / Food for thought      సంతుష్టుఁడీ మూఁడు జగములఁ బూజ్యుండు సంతోషి కెప్పుడుఁ జరుఁగు సుఖము      సంతోషిఁ గాకుంట సంసార హేతువు; సంతసంబున ముక్తిసతియు దొరకుఁ      బూఁటపూఁటకు జగంబుల యదృచ్ఛాలాభతుష్టిని దేజంబు తోన పెరుఁగుఁ      బరితోష హీనతఁ బ్రభ చెడిపోవును జలధార ననలంబు సమయునట్లు     ( తృప్తిపడేవాడు ముల్లోకాల్లోనూ గౌరవింపబడతాడు. తృప్తునికి ఎప్పుడూ సుఖం కలుగుతుంది. సంతోషం లేకపోవడమే తిరిగి పుట్టడానికి కారణం. సంతోషంవల్ల మ...

  జూన్ 11, 2024 లేశము    ( lēṣamu )     అర్థము      (విశేష్యము/విశేషణము ): కొంచెము; కొంచెపు తనము; అల్పత్వము; అణువు      Meaning     (noun/adj) : little; small; particle; atom; littleness; smallness    వాడుక / Usage     నేటి రాజకీయ పరిభాషలో లేశమైనా సిగ్గు మర్యాద గౌరవం లేవు .      Today's political discourse doesn't have an iota of shame, dignity or respect.     మెదడుకు మేత / Food for thought      వ్యాప్తింబొందక వగవక     ప్రాప్తంబగు లేశమైనఁ బదివే లనుచుం      దృప్తింజెందని మనుజుఁడు      సప్తద్వీపముల నయినఁ జక్కంబడునే?     ( లభించినది ఎంత కొంచం అయినాసరే ఉబ్బితబ్బిబ్బు పడకుండా, అదే పదివేలుగా భావించి తృప్తిపడనివారికి సప్తద్వీపాల సంపదలు వచ్చిపడినా కూడా తృప్తి తీరుతుందా?)     -- శ్రీ వామన చరిత్ర, ఆంధ్ర మహాభాగవతం, పోతన

  జూన్ 10, 2024 టెంకి    ( ṭenki )     అర్థము       (విశేష్యము ):  స్థానము ; చోటు; గృహము; మడుగు; పిడి సాన; తల వెనుక భాగం       Meaning     (noun) : place; house; reservoir; a boring tool; back of head    వాడుక / Usage     దేవుడే ఇచ్చాడు వీధి ఒకటి ఇక ఊరేల సొంత టెంకేల .      The all pervading has shown me the path, why confine to "my" village or house?     మెదడుకు మేత / Food for thought      నొరులుఁ గారు నాకు నొరులకు నే నౌదు     నొంటివాఁడఁ జుట్ట మొకఁడు లేఁడు     సిరియుఁ దొల్లి గలదు చెప్పెద నా టెంకి     సుజనులందుఁ దఱచు చొచ్చియుందు.     ( వేరే వారు ఎవ్వరూ నన్ను చేరదీయరు. నేనే వారిని చేరదీస్తాను. నేను ఒంటరివాణ్ణి. చుట్టాలు ఎవరూ లేరు. ఇంతకు ముందు నాకు సిరికూడా ఉండేది. ఎక్కువగా నేను మంచివారితో కలిసి మసలుతుంటాను. అదే నా నివాసము.)     -- శ్రీ వామన చరిత్ర, ఆంధ్ర మహాభాగవతం, పోతన

  జూన్ 07, 2024 క్రమక్షయం    ( krama kshayam )     అర్థము       (విశేష్యము ):  ప్రవాహమువల్ల కోసివేయుట; అరుగుదల; ఒరపిడి      Meaning     (noun) : erosion    వాడుక / Usage       మృత్తికా  క్రమక్షయం  వల్ల సుమారు ఏటా 30 నుంచి 50 టన్నుల పంటనష్టం జరుగుతుంది.      Soil erosion causes 30 to 50 tonnes of crop loss annually.     మెదడుకు మేత / Food for thought         ప్రతి మనిషిలోనూ మంచీ – చెడూ రెండూ ఉంటాయి. సామాన్యంగా మనం మన మంచి ముఖాన్ని మాత్రమే ఎదుటివారికి చూపడానికి ఇష్టపడతాం. ఇక్కడ ‘మంచి’ అనేది ఆయా సమూహాల చేత ఆమోదింపబడిన సూత్రాల ఆధారంగా నిర్వచింపబడుతుంది.సమూహపు అంగీకారం కోసం, ఒక్కోసారి మనం మనకు ఇష్టంలేని పనులు చేస్తుంటాం. చేయదలుచుకున్న వాటిని ఆపేస్తుంటాం. ఏ మనిషీ, ఎల్లవేళలా అందరికీ నచ్చేటట్టుగా ప్రవర్తించలేడు. ఒక్కోసారి తన ఇష్టానుసారంగా ప్రవర్తించడం, మెజారిటీ జనానికి అర్థరహితంగా అనిపించే అవకాశం ఉందని తోచినప్పుడు, అతను ఆ ఇష్టాన్ని అణిచి...

  జూన్ 06, 2024 పగులు లోయ    ( pagulu loya )     అర్థము       (విశేష్యము ):  రెండు ఖండ పర్వతాలకు లేదా ఎత్తైన ప్రాంతాలకు మధ్య ప్రాంతం కిందికి దిగడం వల్ల ఏర్పడిన లోయ      Meaning     (noun) : rift valley    వాడుక / Usage      భారత్‌లో నర్మదా, తపతి నదులు ప్రవహించే లోయలు  పగులు లోయలు .      Narmada and Tapati flow through rift valleys.     మెదడుకు మేత / Food for thought         ఈ స్ఫూర్తితో ఓ యువ తాత్విక చర్చా సంఘంలో ఆయన చురుకుగా పాల్గొన్నాడు. “పేద జనం” అతని మొదటి రచన. అది సాహిత్య ప్రపంచంలో మంచి పేరు తెచ్చింది. ఈ పుస్తకం జారిప్ట్ రష్యాలో పేదల పాట్లను వివరించింది. దీనితో ప్రభుత్వం ఇతని రచనలపై నిషేధం విధించి, తిరుగుబాట్ల సమర్థకుడనే అభియోగం మోపి ఉరిశిక్ష విధించింది. పీటర్స్ బర్గ్ జైలులో వుంచారు. తరువాత జరిగిన విచారణ వల్ల చివరి క్షణంలో, సైబీరియన్ ప్రవాసానికి పంపించారు. తిరిగి వచ్చిన తరువాత వ్రాసిన కరమజోవ్ సోదరులు, నేరము – శిక్ష, శ్వ...

  జూన్ 05, 2024 కందరము    ( kandaramu )     అర్థము       (విశేష్యము ): గుహ; బిలము; అంకుశము      Meaning     (noun) : cave; ravine; gorge between cliffs; elephant prod    వాడుక / Usage       మాల్వా పీఠభూమిలో చంబల్ నదీలోయ ప్రాంతంలో చంబల్ నదీ క్రమక్షయం వల్ల కందర భూములు ఏర్పడ్డాయి.      The Chambal ravines in Malwa plateau were formed due to erosion over time by Chambal river.     మెదడుకు మేత / Food for thought         " ముసలాయనకి ఊపిరి అందడం కష్టమయింది. నోట్లో ఇదీ అని స్పష్టంగా చెప్పలేని ఒక చిత్రమైన తియ్యటి, రాగి రంగులాంటి వింతరుచి అనుభవానికి వచ్చింది. ఒక్క క్షణం అతను బెదిరిపోయాడు. కానీ ఎక్కువసేపు అలా అనిపించలేదు ."  ఈ వాక్యాల్లో ఇంతకు మించిన బరువైన తెలుగు లేకపోవడం వల్ల ఈ అనువాదం మూలానికి న్యాయం చేసి ఉంటుందనే అనుకుంటున్నాను.         --  ఎర్నెస్ట్ హెమింగ్వే రాసిన The Oldman and the Sea (1951) తెలుగు అనువాదం 'అతడే...

  జూన్ 04, 2024 ధృవము    ( dhruvamu )     అర్థము       (విశేష్యము ): అంచు; చివర;  ధ్రువము; దిక్కుల కొన; కదలనిది      Meaning     (noun) : pole; edge; ending point    వాడుక / Usage      ఉత్తరార్ధగోళంలో, భూమి భ్రమణాక్షం దాని ఉపరితలాన్ని కలిసే బిందువును ఉత్తర ధృవము  అంటారు.      The Geographic North Pole is the point in the Northern Hemisphere where the Earth's axis of rotation meets its surface.     మెదడుకు మేత / Food for thought         ప్రపంచ సాహిత్యంలో దీనితో పోల్చదగిన పుస్తకం మరొకటి లేదు. సరిహద్దు రేఖలనూ, తరాల అంతరాలనూ అధిగమించి దేశదేశాల భిన్న కాలాల పాఠకులకు ప్రేరణగా నిల్చిన అద్భుత పుస్తకం అమ్మ. సామాజిక మార్పుకు చోదక శక్తి అయిన శ్రామిక వర్గ చైతన్య ప్రజ్వలనను ప్రతిబింబించి, సామ్యవాద వాస్తవికతకు అంకురార్పణ చేసిన రచన. లక్షల ప్రతులు ప్రచురించి పంపిణీ చేయాలని లెనిన్ స్వయానా ప్రశంసించిన పుస్తకం.         -- మా...

  జూన్ 03, 2024 నాడీమండలము    ( naadeemandalam )     అర్థము       (విశేష్యము ): భూమధ్యరేఖ     Meaning     (noun) : equator    వాడుక / Usage     నాడీమండలము పై 35,786 కి.మీ ఎత్తులో భూభ్రమణ దిశలో, భూమధ్య రేఖాతలానికి సున్నా డిగ్రీల కోణంలో ఉండే వృత్తాకార కక్ష్యను భూ స్థిర కక్ష్య అంటారు.     A circular geosynchronous orbit 35,786 km in altitude above Earth's equator following the direction of Earth's rotation is called  geostationary orbit .     మెదడుకు మేత / Food for thought        మానవ లోకంలో న్యాయం అలభ్యం. దోషికి శిక్ష విధించడం అసాధ్యం. ఏ నేరం చేయనివాడే ఇక్కడ శిక్షార్హుడు. ఈ ప్రపంచం ఒక నిర్బంధ శిబిరం అని చెప్పిన దార్శనిక కథకుడు కాఫ్కా.         -- రచయిత్రి జి.లక్ష్మి తెనుగించిన "కాఫ్కా కథలు" గురించి సాక్షిలో సమీక్ష